Po të kërkojmë shkak konkret – ky është përvjetori i 20-të i formacionit tonë. Ai u krijua në vitin 1996 në një klub nate. Përveç skenës kryesore u hap akoma një skenë suplementare, në të cilën duhej të interpretonim çdo natë. Pronari i klubit Hristosllav Galileev (Galjo – siç e quajmë atë) është bas kitarist dhe ai vendosi të krijojë një formacion posaçërisht për këtë skenë të dytë. (Galjo është lideri deri tani). Në të ai ftoi kolegë-muzikantë, me të cilët ka punuar jashtë shtetit. Emrin e grupit e dha Vesko Nestinara nga grupi “Nestinari”, i cili ishte mik ynë i madh. Në “Dirty Purchase” kanë interpretuar më se 20 muzikantë shumë të mirë.
Aktualisht në të hyjnë disa nga emrat më të njohur në skenën bullgare – Mihaill Josifov dhe Todor Bakërxhiev – trumbeta, Velisllav Stojanov dhe Kirill Zafirov – trombë, Denis Popstoev – saksofon, Ivan Leçev – kitarë etj.
Në fillim grupi interpretonte më shumë versione “cover” të muzikës “blues” dhe “swing” – vazhdoi Ljudmill Stojnev. Pastaj në bandë erdhën Emill Minçev nga grupi “Ahed” dhe Amalia Nenova. Ata, bashkë me perkusionistin Nikkollj Denev – nga Mr. Brown Sugar kontribuuan akoma më shumë për tingëllimin e veçantë të grupit që i ngjan më shumë swing-ut. Ne të gjithët japim ide për repertorin dhe pastaj i diskutojmë ato. Kështu vendosim çfarë dhe si të interpretojmë. Formacioni është i madh, nganjëherë jemi nga 10 persona në skenë. Kemi një “bras” seksion të plotë – dy saksofona, një trumbetë dhe një trombë. Mund të them se ky është formacioni i parë bullgar nga vitet e 90-të, i cili e implementoi këtë “model bras” në muzikën e klubeve të natës tek ne.
Se si lindi ideja për krijimin e një albumi me muzikë të vet pas 20 vjet?
Vitet e fundit gjatë provave filluam t’i bashkonim temat e ndryshme, instrumentalet solo, tekstet, pa pasur një qëllim të qartë për krijimin e albumit – shpjegoi Ljudmill Stojnev. Kështu gjatë procesit të punës krijuam këngët “All Your Love“, “Knock, Knock“, “Heat Inside“. Kënga e parë e krijuar nga ne është “Sweet Sensation“. Me të para disa vjetësh morëm pjesë në konkursin e Radios Kombëtare Bullgare – “Pranvera e artë”. Për këtë arsye ajo ia dha titullin tërë albumit. Në të ka edhe dy versione “cover” të këngëve që i interpretojmë gjithmonë në mënyra të ndryshme dhe adhuruesit tonë i pëlqejnë shumë ato. Një pjesë e madhe e këngëve në këtë album janë incizuar në një koncert në Radion Kombëtare Bullgare.
Përgatiti në shqip: Jordanka IvanovaNga 2 deri më 7 gusht në pushimoren malore Borovec do të mbahet edicioni i tretë i Festivalit Ndërkombëtar të Xhazit “Dr. Emill Iliev”. Forumi muzikor është tashmë një traditë në kalendarin kulturor të resortit tonë malor. Sipas drejtoreshës së..
Për të gjashtin vit radhazi, fshati malor Debnevo në rajonin e qytetit Trojan po pret Festivalin Ndërkombëtar të Muzikës dhe Artit Jam on the River. Veprimtaria, e cila mbledh shumë muzikantë të huaj dhe vendas, mbahet nga data 31 korrik deri më 3..
Dueti “Chaz\'n\'Byanka” regjistroi një këngë të re. Në "Një hap më afër", këngëtarëve Ljubomir Bojanov dhe Vasilina Bjankova iu bashkua Daniell Petrov, i njohur nga grupi “Taking Heed”. Pas krijimit të kësaj kënge qëndron një histori e vërtetë..
Pas suksesit të padiskutueshëm të koncertit - spektakël "Përgjithmonë" në sallën Nr.1 të Pallatit Kombëtar të Kulturës (NDK) vjeshtën e kaluar,..
Pesë muzikantët e grupit vokal "Spektrum" - Spectrum Vocal Band - janë ndër ata që nuk pushojnë së na mahnitur me mundësitë e pafundme të zërave..