Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Sofja nuk kërkon mur në kufirin me Greqinë, por mund të mbështetë një operacion të NATO-s në atë me Turqinë

БНР Новини
Foto: BTA

Në takimin në Pragë Katërshi i Vishegradit hoqi dorë nga këmbëngulja e tij radikale për krijimin e shpejtë të “një sistemi rezervë kufitar” në Bullgari dhe Maqedoni, sistem ky i cili të ndalojë presionin nga ana e Greqisë. Në një dokument përfundimtar në forum Katërshi njohu në mënyrë diplomatike se ka rrezik nga krijimi i vijave të reja ndarëse në Evropë dhe nguli këmbë që Bashkimi Evropian të jetë i fuqishëm. Ndoshta kjo sprapsje u realizua nën presionin e Gjermanisë, e cila sipas Kryeministrit sllovak Robert Fico para forumit në Pragë ka diskutuar nëpërmjet kanaleve diplomatike se si Grupi i Vishegradit, Bullgaria dhe Maqedonia guxojnë të shqyrtojnë mbrojtjen e kufijve të jashtëm të BE-së.

Gjithsesi, ideja për një istëm rezervë për mbrojtje nga presioni i madh i migracionit nga ana e Greqisë po mbetet, por si plani “B”, në rast se masat e përbashkëta të BE-së kundër migracionit nuk kanë sukses.

Siç pritej, në Pragë kryeministri Bojko Borisov ripohoi se Bullgaria është kundër rrethimit të kufirit tonë me Greqinë dhe përkrahu pozitën e njohur, pozitë kjo që u mbrojt një ditë më herët në një bisedim me kancelaren Angela Merkel, dhe pikërisht se ndalimi i presionit të migracionit është i mundshëm vetëm me masat e përbashkëta të BE-së. Sipas Bojko Borisovit, forcimi i pjesshëm i kontrollit në kufirin bullgaro-grek dhe në kufirin maqedono-grek nuk do të çojë në zgjidhjen e problemit, por vetëm do të ndryshojë itineraret e migracionit. Prandaj Sofja përkrah tezën se në një plan afatshkurtër dhe afatmesëm për kufizimin e migracionit është me rëndësi të madhe kontrolli i kufijve të jashtëm të BE-së, siç janë kufijtë tokësorë të Bullgarisë dhe të Greqisë me Turqinë. Ministri i Jashtëm bullgar Daniell Mitov bëri të ditur se Sofja do të ngulë këmbë që në këta kufij të zhvillohet një operacion i NATO-s, në qoftë se para kësaj operacioni i aleancës në kufirin detar greko-turk jep rezultat. Pro angazhimit të NATO-s janë edhe shtetet e Grupit të Vishegradit. Forcimi i angazhimit të paktit ushtarako-politik me problemin e migracionit është në përputhje me dëshirën e disa shteteve për përfshirjen në zgjidhjen e tij edhe të ushtrive kombëtare, por kjo do të çonte në forcimin e pranisë së NATO-s në regjion dhe do të provokonte reaksionin negativ të Rusisë.

Në Pragë delegacioni bullgar nguli këmbë gjithashtu për mbylljen e të gjithë kufijve të jashtëm të BE-së dhe jo vetëm të atyre me Turqinë. Kështu migrantët do të mund të kalojnë vetëm në mënyrë të ligjshme përmes pikëkalimeve. Kjo do të lejojë regjistrimin e plotë dhe dallimin e qartë të migrantëve të ligjshëm nga ata të paligjshëm. Për një metodë të tillë Sofja ngul këmbë që prej shumë kohe, që të ndalohet presioni i migracionit nga shtetet, të cilat nuk janë burim i migracionit për shkak të konflikteve ushtarake, por për shkak të shkaqeve sociale dhe ekonomike. Në këtë lidhje në Pragë Katërshi i Vishegradit, bashkë me Bullgarinë dhe Maqedoninë, deklaruan se janë për bashkëpunimin më të ngushtë midis shërbimeve hetimore kufitare kombëtare.

Në Pragë Katërshi i Vishegradit bëri disa lëshime lidhur me disa pikëpamje të tij radikale në emër të politikës së përbashkët të BE-së. Katërshi do të paraqesë pozitën e vet në samitin e BE-së të migracionit, takim ky që do të mbahet në Bruksel më 18 dhe 19 shkurt. Para kësaj, më 17 shkurt në Austri do të zhvillohet një takim tjetër, me pjesëmarrjen e 11 shteteve, ndër të cilat janë Gjermania dhe Franca. Atje do të përfaqësohet edhe Turqia. Intensiteti, me të cilin po zhvillohet dialogu në të gjitha nivelet, tregon se serioziteti i krizës së migracionit dhe urgjenca e zgjidhjes së problemeve të lidhura me të kuptohen shumë mirë. Mirëpo, kjo tregon gjithashtu se politika e përbashkët për përballimin e kësaj krize, për të cilën flitet kaq shumë dhe prej kaq shumë kohe, ende nuk është formuar.  

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Po diskutohet krijimi i linjës ajrore Sofje – Tiranë

Turizmi është diplomacia më e mirë sepse shoqërohet gjithmonë me emocione pozitive dhe kujtime të mira. Jemi jashtëzakonisht të impresionuar nga ajo që ka arritur Shqipëria në fushën e turizmit, tha ministri bullgar i turizmit Evtim Milloshev në..

botuar më 24-07-12 10.28.PD
Dimitër Gllavçev

Bullgaria kërkon që Shkupi të respektojë Marrëveshjen e Fqinjësisë së Mirë të vitit 2017

Diskutuam se si ta bëjmë NATO-n më të fortë, duke u fokusuar në punën kolektive, duke forcuar njëkohësisht mbrojtjen e secilit vend anëtar, tha kryeministri në detyrë Dimitër Gllavçev. Ai shtoi se në diskutimet në Uashington në kuadrin e samitit me..

botuar më 24-07-11 9.59.PD
Vjosa Osmani dhe Dimitër Gllavçev

Prishtina ka mbështetje nga Sofja për anëtarësimin e ardhshëm të Kosovës në NATO

Kërkimi i Kosovës për anëtarësim në NATO dhe mbështetja e Bullgarisë ishin temat e diskutuara në takimin e presidentes së Kosovës Vjosa Osmani me kryeministrin në detyrë Dimitër Gllavçev në kuadër të samitit të NATO-s në Uashington, raporton BGNES...

botuar më 24-07-10 12.45.MD