U nda nga jeta Ljubka Rondova – një nga këngëtaret më të dashura dhe më të respektuara popullore, jeta e së cilës dekada me radhë i ishte kushtuar popullarizimit të këngëve të krahinës së lindjes. Ajo lindi në fshatin Shestevo, rajonin e Kosturit, sot në kufijtë e Greqisë. E quante veten “e bija e Egjeut” dhe kështu titulloi edhe njeri prej albumeve të shumta. Që në moshën e fëmijërisë filloi të interpretojë këngët e gjyshes dhe të ëmës. Lufta Civile e vitit 1948 e ndau familjen. Lubka Rondova ishte ndër të ashtuquajturat “fëmijë refugjatë” të cilët u larguan nga Greqia. Ajo mbaroi filologjinë sllave në Universitetin Karllov në Pragë të Çekisë. Nga viti 1960 u vendos në Bullgari – mëmëdheun e ëndërruar, në të cilin familja u kthye nga krahina të ndryshme të botës. Ljubkra Rondova nisi punë si soliste dhe filologe në ansamblin e parë folklorik krijuar tek ne “Goce Dellçev”. Edhe vitet e fundit, kur gjendja e saj shëndetësore ishte pak i keqësuar, ajo vazhdonte të pasurojë repertorin me këngë të panjohura dhe pa të regjistruara deri tashti. Ajo dha kontribut edhe për zbulimin e disa kryeveprave në librat me këngë të vëllezërve Miladinovi dhe të Kuzman Shapkarevit. Bënte edhe incizime të reja dhe thoshte, se akoma nuk ka botuar të gjitha këngët e regjistruara nga e ëma. Krahas kësaj ajo kompozonte edhe melodi prej autori. Për veprimtarinë e madhe këngëtarja është mbajtëse e një sërë dallimesh shtetërore – urdhrit “Stara Pllanina”, “Kirill dhe Metodij” e të tjerë. Gjatë pranverës së vitit 2015 mori çmimin për kontribut të tërësishëm në trashëgiminë folklorike bullgare të klasifikimit internet “Çmime vjetore folklorike”. Ljubka Rondova pëlqente Radio Bullgarinë për arsye të paletës laramane kombëtare të miqve tanë, ndër të cilët kishte edhe admirues të krijimtarisë së vet. Dhjetëra janë intervistat dhe materialet e botuara në faqen tonë për këtë krijuese të madhe dhe të paharrueshme bullgare.
U prehtë në paqe!
Shkencëtarët nga Universiteti Sorbonne në Paris do të studiojnë trashëgiminë kulturore në Muzeun Etnografik Rajonal të Etërit në ajër të hapur, raportoi Televizioni Kombëtar Bullgar (BNT). Në mars të këtij viti, shkencëtarët francezë, së bashku me ekspertë..
Festa ortodokse për nder të Shën Trifonit kremtohet më 1 shkurt sipas stilit të ri. Në kalendarin folklorik kjo festë përbën një cikël prej 3 ditësh radhazi - 1, 2 dhe 3 shkurt, të quajtura Trifunci. E quajtur nga populli ynë Trifon Zarezan –..
Të gjitha ritualet bullgare të maskaradës e kanë origjinën nga rituali koleduvane dhe lindja e diellit në Janar. Me adoptimin e krishterimit, për të mos hedhur hije mbi Zotin e porsalindur, zakoni filloi të zbehej. Në Bullgarinë Perëndimore, në kohën kur..