Doc. Hristo Pavllov është një emër i afirmuar në jetën muzikore të Bullgarisë. Është laureat i konkurseve kombëtare dhe ndërkombëtare si flautist, kompozitor dhe dirigjent. Dirigjon shumë kolektiva, mes të cilave janë Filarmonia e Çekisë, Orkestra Simfonike e Radios Kombëtare Bullgare, Orkestra Metropolitane e Sofjes, Filarmonia Bullgarika, Orkestra Rinore e Radios “Classic FM”, “Simfonieta Sofja”. Është pedagog i orkestrimit, producimit të orkestrës simfonike në studio dhe i muzikës së lojërave kompjuterike në Programin e magjistraturës për kompozime filmore të “Pulse College” në Dublin, të Irlandës. Më 19 mars në sallën e Akademisë Kombëtare Muzikore “Panço Vlladigerov” nën dirigjimin e Hristo Pavllovit do të dëgjojmë vepra të laureatëve të Programit ndërkombëtar të “Pulse College” për muzikë filmash.
“Koncerti është me “Simfonieta Sofje” dhe nuk është e rasti që është në Akademinë Muzikore. Mendoj të vëmë fillimin e një bashkëpunimi të frytshëm, që u prit me entuziazëm edhe nga kolegët nga Irlanda. Programi përfshin vetëm muzikë filmash, por ndryshe nga pritjet e publikut, nuk do të jenë melodi nga filma të njohur. Do të interpretohen vepra të autorëve që shpresojnë në të ardhmen e afërt të fitojnë popullaritet. Të gjithë janë në nivel të lartë profesional. Kanë qenë studentë në programe të ndryshme të kolegjit në Dublin.
Punoj me këta partnerë prej rreth 15 vjetësh, sidomos me udhëheqësin e kursit për kompozime filmash në kolegj – Derek Gleeson. Ai është kompozitor i muzikës filmore, por gjithashtu edhe dirigjent, prej vitesh punon në Los Anxhelos, me origjinë është irlandez. Koncerti përfshin 11 kompozitorë nga Hong Kongu, Singapori, Italia, SHBA dhe Irlanda. Për fat të keq nuk interpretojmë autorë bullgarë, sepse kurset dhe programet master në këtë kolegj janë me çmim që vështirë mund të përballohet nga një bashkatdhetar ynë. Sivjet në kursin 25 ditor që do të zhvillohet në qytetin tonë Varna gjatë verës secili prej kompozitorëve bullgarë mund të vijë dhe të dëgjojë falas. Derec Gleeson e zgjodhi qytetin Varna për shkak të vendndodhjes së tij buzë detit dhe pranisë së bazës së mirë për zhvillimin e një projekti të tillë të madh ndërkombëtar. Jam pedagog edhe në Akademinë Kombëtare Muzikore në Sofje, ne gjithashtu kemi klasa master për kompozime mediatike. Dëshiroj që në këto kurse dhe programe të vijnë më shumë të rinj bullgarë dhe tani i kam përqendruar përpjekjet e mia në këtë drejtim.”
Përgatiti në shqip: Sofia Popova
Miqtë dhe adhuruesit do të nderojnë kujtimin e këngëtarit dhe kompozitor të njohur të pop-rokut Georgi Minçev , i cili u largua nga bota jonë 23 vjet më parë. Festivali i muzikës rok dhe blues "Lule për Gosho" zhvillohet më 7 dhe 8 shtator në..
“Mbrëmjet ballkanike” është një nismë që mbahet nga 5 deri më 8 shtator në Pitsbërg të Pensilvanisë, SHBA. Veprimtaria fillon sonte me punëtorinë muzikore "Vallet ballkanike" me udhëheqës Dimitër Hristov. Ditët në vijim - 6 dhe 7 shtator - do të..
Sonte mbyllet sezoni i nëntë i Operës Verore "Skena e Shekujve" 2024, një forum i madh muzikor i Komunës së Veliko Tërnovës. Dy muajt e fundit u ofruan banorëve dhe vizitorëve të kryeqytetit të vjetër bullgar koncerte, shfaqje opere dhe baleti,..
Nga 4 deri më 6 tetor, Plovdiv do të bëhet kryeqyteti i kitarës. Kjo për shkak të festivalit GuitART, i cili për të nëntin vit radhazi do të na..
Kori i Fëmijëve i Radios Komb;tare Bullgare (BNR) është ndër finalistët e konkursit prestigjioz ndërkombëtar për koret joprofesionale “ Le të këndojnë..