Lajmet janë dy dhe si zakonisht njëri është i mirë, tjetri – i keq. Lajmi i mirë është se gjatë tre vjetëve të fundit papunësia në Bullgari gradualisht ulet dhe sipas Evrostatit aktualisht bile është nën mesataren për BE. Shifrat në këtë drejtim janë të qarta dhe optimiste. Gjatë shkurtit të papunët në Bullgari kanë qenë 7.4% dhe ky është niveli më i ulët nga shtatori i vitit 2009. Një krahasim – për këtë periudhë të papunët në BE kanë qenë 8.9%. Ky fakt nuk ka si të mos i gëzojë qeveritarët, për të cilët ky është sukses i madh, ashtu dhe njerëzit e zakonshëm që shohin më shumë shanse në tregun e punës. Tjetër është çështja, se ata që kanë arritur të gjejnë punë nuk kanë shumë arsye të gëzohen duke pasur parasysh, se shpenzimet mesatare për punë në vend janë vetëm 4.1 euro në orë kundrejt shumës 41.3 euro në orë në Danimarkë,p.sh. Për nga ky tregues, ndryshe nga papunësia, Bullgaria është në vendin e fundit në BE dhe mbetet vendi më i varfër në Evropën e bashkuar.
Çfarë i detyrohet kjo ulje graduale e papunësisë dhe a ka shanse të vazhdojë dhe të arrijë nivelet normale që lëviznin nga 4-5%?
Shkaku kryesor për kërkimin më të madh të krahut të punës është rimëkëmbja ekonomike dhe kapërcimi i krizës financiare dhe ekonomike nga vitet 2008-2009. Biznesi në vend arriti të adaptohet ndaj kushteve të reja të tregut të brendshëm dhe në plan ndërkombëtar. Gjërat tashmë nuk janë si ato para krizës, kërkimi është tkurrur, gjithçka zhvillohet ngadalë dhe në përpjesëtime më modeste. Prandaj askush sot nuk flasë për bum në tregun e punës, por për tendenca graduale.
Këtu vjen radha për analizën e lajmit të keq – ngadalësimi i rritjes së ekonomisë bullgare gjatë këtij viti, që ishte parashikuar nga ekspertë bullgarë dhe të huaj. Në vitin 2015 ekonomia bullgare shënoi rritje të PBB me 3%, por sivjet pritet rritje prej 2%. Rënia është e ndjeshme, por për krizë nuk mund të flitet. Përkundrazi, mendohet, se kjo tendencë pasqyron shumë saktë procesin me karakter global të adaptimit të ekonomive ndaj ritmeve më të matura të zhvillimit për shkak të nivelit të lartë të arritur të prodhimit, investimeve dhe konsumit. E gjithë kjo jep arsye të mjaftueshme të mendohet, se në qoftë se nuk do të ndodhet diçka e paparashikuar për Bullgarinë gjatë këtij viti, siç ekziston realisht rrezik nga mjedisi i jashtëm, papunësia do të vazhdojë të bjerë me ritme graduale. Nga gjithsej 248 mijë bullgarë të papunë gjatë shkurtit të këtij viti kundrejt shifrës 252 mijë gjatë janarit dhe 329 mijë të papunëve para një viti, ata me siguri do të arrijnë nivelin e afro 200 mijë vetave. Kjo është një ulje e qëndrueshme e papunësisë në Bullgari nën nivelin psikologjik prej 300 mijë për muaj të shtatë të radhës dhe afrim me nivelin e ri psikologjik prej 200 mijë vetave.
Përgatiti n ë shqip: Sofia Popova
Depozitat në banka për tremujorin e parë të vitit 2024 arritën shifrën rekord prej 75.4 miliardë euro (150 miliardë leva). Nga janari në mars, depozitat u rritën me 1.35 miliardë euro (2.7 miliardë leva) ose me 1.8%. Rritja është kryesisht për shkak..
Qeveria e përkohshme e ngarkoi zëvendëskryeministren dhe ministre të financave Ljudmila Petkova që të paraqesë deri më 11 shtator një propozim për një ndryshim në Planin e Rimëkëmbjes dhe Qëndrueshmërisë sipas kapitullit REpowerEU. Kjo bëhet për të..
Sipas analizës së Konfederatës së Sindikatave të Pavarura në Bullgari, të ardhurat e nevojshme mujore në qershor për të mbajtur jetën e një familjeje prej tre anëtarësh me dy punëtorë dhe një fëmijë deri në 14 vjeç janë 2615 leva (1315 €), tregon..