Programi i ditës
Radioja Kombëtare Bullgare © 2022 Të gjitha të drejtat janë të rezervuara

Vlladimir Penev – piktori lirik i kohës së vet me ekspozitë të re

БНР Новини
3
Foto: Vida Pironkova

Një prej ngjarjeve në jetën tonë kulturore është ekspozita e piktorit Valladimir Penev në galerinë “Nuanca” në kryeqytet. Në ekspozitat e saj janë të pranishme vepra të autorëve tanë dhe të huaj nga epoka klasike deri në kohë më të re. Në ekspozitën e Penevit tablotë janë mbushur me nostalgji romantike dhe rrëfime poetike, me përpikëri fine. Arti është gjuhë e shenjave, formave dhe gjendjeve. “Edhe pse kjo ekspozitë fëshfërin, ajo mund të dëgjohet në ëndrrat, iluzionet dhe shpresat tona” – thonë galeristët. Ja se si i prezanton tablotë e veta Vlladimir Penevi:

“Ekspozita ime e radhës është jubile. Ajo është e qetë. Fëshfërin. Kam menduar shumë kohë mbi të. Kam përgatitur vepra posaçërisht për këtë galeri, si dhe tablo të 5 vjetëve të fundit. Po përpiqem çdo vit të bëjë ekspozita. Punoj në cikle, që shprehin qëndrimin tim: “Rrugë të kaluar”, “Rruga”, “Qyteti”, “Bregu”. Bregu jo vetëm si nocion gjeografik, qyteti si një pikënisje, çadrat jo për të mbrojtur nga shiu, por si mjet për anonimitet. Ky është njeriu me syze të zeza, i cilin është anonim. Ai është i fshehtë. Çadra është mburojë – ruan. Realiteti, të cilin unë e ngarkojë me kuptime simbolike, është rasti për krijimin e tablove të mia. Një shtëpi, një pemë, rrugë janë pikënisje për rikrijimin e qëndrimeve të mia për vizatimin, formën, ngjyrën, hapësirën. Të gjitha këto gjëra tingëllojnë pak arkaike në shekullin tonë, por në to unë besoj dhe më ndihmojnë të shprehë ndjenjat e veta. Dua të mendoj, se jam pjesë e kohës sime. Jam përkrahës i emocioneve të përmbajtura. Vizatoj ngadalë dhe vështirë.”

“Mëngjes”
Vlladimir Penev është biri i poetit të madh bullgar Penjo Penev dhe në gjakun e tij rrjedh lirikë, të cilën ai e rikrijon në tablotë e veta në mënyrë mjeshtërore. Me rastin e 85 vjetorit të lindjes së babait të tij piktori ka botuar librin “Unë, zëri dhe ndërgjegjja e epokës” me poezi të përzgjedhura të Penjo Penevit. Ai është prezantuar në ekspozitë dhe është destinuar për koleksionistët e veprave të rralla të artit. Secili cikël poetik i poetit tonë të madh, që u nda nga jeta fare i ri në fund të viteve 50 të shekullit të kaluar dhe i dëshpëruar nga “realiteti i ri” është ilustruar me vizatim origjinal me pastele. Ky është leximi dhe kuptimi personal i poezisë nga i biri Vlladimir. Librit i është bashkëngjitur kompakt disk me incizime arkivore të vjershave të Penjo Penevit, të lexuara nga vet autori dhe të ruajtura nga miku i tij, skulptori Nikollaj Shmirgella. Ato janë dorëzuar dhe ruhen në Fondin e Artë të Radios Kombëtare Bullgare.

“Më quajnë “realist poetik”. Lexoj dhe emocionohem nga poezia. Poezia, këto janë fjalë që dashurohen. Po kjo vlen edhe për artin figurativ – ngjyra që dashurohen. Për herë të parë në këtë ekspozitë prezantojmë 33 ekzemplarë bibliofilë të babait tim – poetit Penjo Penev, të cilët janë ilustruar prej meje. Secili libër është album me vete. Ai përmban 5 cikle të krijimtarisë së Penjo Penevit dhe secili ekzemplar ka nga 5 piktura të mia me pastele. Pranë albumeve ka një CD, i cili përmban zërin e poetit, nga recitalet e organizuara në studion e skulptorit të madh bullgar Shmirgella. Ai pas kësaj ua ka dorëzuar incizimet Radios Kombëtare Bullgare, ku janë të përpunuar nga zhurmat parazitare. Ja – të tillë jemi ne, Penevi” – përfundon Vlladimir Penev, piktori lirik i kohës së vet dhe shton, se nuk mund të jetojë as një çast pa poezi.

Përgatiti në shqip: Sofia Popova

Fotografitë janë ofruar nga piktori

Galeria

Më shumë nga rubrika

Shikoni kinemanë bullgare në internet nga kudo në botë

Instituti Shtetëror i Kulturës i Ministrisë së Punëve të Jashtme të Bullgarisë për të tretin vit na dhuron një festë të kinemasë në prag të Krishtlindjes. Deri më 18 dhjetor, adhuruesit e artit të shtatë nga çdo një anë e globit mund të shohin..

botuar më 22-12-04 9.15.PD

Festivali i artit shqiptar – një urë lidhëse midis dy popujve miq

21 nëntori i këtij viti shënoi një ngjarje të rëndësishme, Festivalin e Parë të Artit Shqiptar në Sofje. Ky është eventi i parë i këtij lloji, që zhvillohet në Sofje, organizimi i të cilit u bë nën patronazhin e Ministrit të Kulturës të Bullgarisë,..

botuar më 22-11-25 4.49.MD

Opera e qytetit Stara Zagora prezantoi “Zërat e Shqipërisë”

Pesë muzikantë të njohur shqiptarë - violinistët Abigeila Voshtina dhe Visar Kuçi, Herida Duro - violë, Mario Guralumi - violonçel dhe sopranoja Besa Llugiqi, prezantuan para publikut të qytetit Stara Zagora veprat më domethënëse të kulturës shqiptare,..

botuar më 22-11-24 12.15.MD