Përmbajtje, qëndrueshmëri dhe asfare surpriza të këndshme ose të pakëndshme – këtë e tregon analiza e parametrave kryesorë të prognozave të qeverisë. Tatimet as do të rriten, as do të pakësohen, pagat nuk do të shkurtohen ose nuk do të rriten ndjeshëm. Projekte të mëdha të rëndësishme të investimeve nuk parashikohen. Asgjë dramatike. Me gjithë atë disa theksat të rinj ia vlen të përmenden.
Si një prej prioriteteve kryesore të pushtetarëve të tanishëm po përvijohen mbrojtja dhe siguria. Deri tani ky detyrim kryesor i shtetit sikur mbetej nën hije financiare dhe askush nuk bënte asgjë që në praktikë të merren masa konkrete për modernizimin e teknikës luftarake tepër të vjetërsuar të Ushtrisë bullgare. Është e drejtë, se ushtarakët vazhdimisht ankoheshin, NATO-ja këmbëngulte që të riarmatosemi, por politikanët ishin të shurdhër në sfondin e situatës jo shumë shqetësuese ndërkombëtare. Tani më nuk është kështu dhe qeveria e Bojko Borisovit vendosi të bëjë hapin e parë drejt përmirësimit dhe modernizimit të aftësive mbrojtëse të vendit. Para do të jepen për gjuajtës të rinj, makina të blinduara për trupat e këmbësorisë, anije për forcat ushtarako-detare. Premtohet dhe parashikohet që të gjitha llojet e ushtrisë të marrin diçka te re.
Një novitet tjetër i rëndësishëm janë përkujdeset më të mëdha për ndihmën e shpejtë mjekësore. Pasi hapat e parë të reformës shëndetësore lëkundën deri në themele besimin në shëndetësinë bullgare, tani u bë e qartë, se nevojë më të madhe për ndihmë financiare ka ndihma urgjente. Gjithashtu dhe fondi shtetëror i pensioneve në sfondin e plakjes kërcënuese të popullsisë. Por kësaj here paratë nuk do të vijnë nga buxheti, por nga kontributet e rritura për sigurimin e pensionit. Rritja e pensioneve tani për tani nuk parashikohet ose do të jetë aq e vogël, se nuk ia vlen të përmendet. Po kjo vlen edhe për pagën minimale të punës, e cila në praktikë do të pezullohet për tre vjet përpara.
Njeri prej prioriteteve fondamentale të qeveritareve është qëndrueshmëria financiare dhe politika restriktive buxhetorte. Pikërisht këto parime janë përfshirë në kuadrin e ri buxhetor trevjeçar, ku është shënuar si objektiv përfundimtar – ulja e deficitit buxhetor deri në vitin 2019 në shifrën minimale e 0.5%.
Përgatiti në shqip: Sofia Popova
Norma kryesore e interesit ra për të dytin muaj radhazi. Që nga 1 gushti është 3,53 %krahasuar me 3,63 %në korrik, njoftoi Banka Kombëtare Bullgare (BNB).Që nga fundi i vitit 2023, norma kryesore e interesit ka ardhur në rënie të vazhdueshme, kur..
Afro 1 milion njerëz në Bullgari nuk mund të përballojnë as edhe një javë pushim. Të dhënat janë nga një analizë e Institutit Sindikal Evropian pranë Konfederatës Evropiane të Sindikatave dhe u prezantuan nga Konfederata e Sindikatave të Pavarura në..
Moody's pret që Bullgaria të hyjë në Eurozonë jo më vonë se fillimi i vitit 2026. Sipas agjencisë së vlerësimit, rritja e ekonomisë bullgare në vitin 2024 do të jetë 2.9%. Kriza e vazhdueshme politike e brendshme dhe mundësia e zgjedhjeve të reja..