Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Atje ku sporti e takon artin

БНР Новини

Sofja tashmë ka një festival të vet të filmave sportive. Më 27,28 dhe 29 maj në kinemanë “Ljumier” të kryeqytetit u prezantuan filma artistikë dhe dokumentarë me tematikë sportive. “Atje, ku sporti e takon artin” është motoja e Sofje Sport Film Festivalit, i cili është pjesë e programit të projektit Sofja 2018 – Kryeqyteti Evropian i Sportit. Ideja për të është e aktores Zhana Karaivanova dhe Bashkia e Kryeqytetit përkrah organizimin e tij. Përgatitja e programit vazhdoi 6 muaj dhe ky ishte prezantimi i parë në Bullgari për disa prej filmave. Një pjesë e madhe e programit u ishte kushtuar filmave bullgare.

Anatoli Iliev, i cili është sekretar organizues i nismës Sofja 2018 – Kryeqyteti Evropian i Sportit”, tregoi më shumë për idenë e festivalit: “Ideja, sipas shembujve të qyteteve të tjera, ku zhvillohen festivale të tilla, është në përputhje të plotë me konceptin për nismën Sofja 2018 – Kryeqyteti Evropian i Sportit. Qëllimi është që të informohen njerëzit për sportin dhe për traditat e tij, për mundësitë dhe për këtë çfarë njerëzit marrin kur ushtrojnë ndonjë sport në mënyrë aktive. Sporti është lidhur në mënyrë të drejtpërdrejtë me kulturën. Kur flasim për sportin dhe për ndikimin e tij mbi fëmijët, adoleshentët dhe njerëzit e moshës së mesme, arrijmë tek tema për kulturën dhe filmin. Filmat japin mundësi që njerëzit të përjetojnë çaste të paharrueshme bashkë me heronjtë dhe fatet e tyre. Kjo është në përputhje me qëllimet e federatës së organizimit të ngjarjeve gjatë vitit 2018 – që të informojmë sa më shumë njerëz dhe ata të fillojnë të jetojnë në mënyrë aktive.”

Programi ishte organizuar sipas ditëve tematike. E shtuna ishte për fansat e sporteve ekstreme. Një pjesë tjetër e filmave ishte për sportistët bullgarë të Lojërave Paraolimpçike, të cilët pavarësisht nga vështirësitë e jetës së tyre, janë një pjesë aktive e shoqërisë. Mysafirët e festivalit kishin mundësi të njihen me veprimtarinë e Asociacionit Paraolimpik Bullgar dhe me sukseset e përfaqësuesve tanë në turnetë botërore dhe evropiane. Në sallë ishin të pranishëm disa nga sportistët tanë më të mëdhenj paraolimikë, të cilët morën pjesë në Lojërat e Rio de Zhaneiros gjatë verës së kaluar. Disa prej titujve të festivalit janë: “Klubi automobilistik Havana”, “BG freerun”, “Të fluturosh përsëri”, “I shpuar”, “Shpirt në lëvizje, “Fituesi: Jeta sportive e Paul Newmanit”, “Palio”, “Përtej cakut” etj. U organizuan gjithashtu shumë ngjarje dhe aktivitete shoqëruese.

Снимка
Festivali i filmave është vetëm një pjesë e vogël e nismave në kuadrin e projektit Sofja 2018 – Kryeqyteti Evropian i Sportit. Ja se çfarë tjetër mund të presim:

“Sofja 2018 – Kryeqyteti Evropian i Sportit ka një kalendar shumë të pasur. Para disa ditësh organizuam 7 loje sportesh në një nga parqet e Sofjes – sporte ekstreme, vrapim, çiklizëm – gjithçka që mund ta bëjnë njerëzit në ambientin e qytetit. Programi vazhdon më 17 dhe 18 qershor me një garë biçikletash në malin Vitosha – 100 kilometra. Tashmë kemi 1800 pjesëmarrës. Më 10 korrik do të bëjmë një shëtitje përsëri në malin Vitosha – deri në vendin Momina Skala. Kemi planifikuar akoma 15 nisma deri në fundin e vitit – shpjegoi Anatoli Iliev.

Dhe pavarësisht nga emocionet e këndshme që ofrojnë sportet shumë bullgarë nuk janë aktivë. Ja se çfarë tha Anatoli Iliev pikërisht për këta njerëz që nuk ushtrojnë sporte:

“Ata humbin një pjesë të madhe të jetës së tyre sepse përveç se sporti sjell shëndet, ai është aktivitet emocional. Kjo nuk mund të kuptohet nga njerëzit, që nuk praktikojnë asnjë sport, ata nuk mund të ndiejnë joshjen pas sportit, të kuptojnë se çfarë është sfida, të cilën e ofron vetëm aktiviteti fizik.”

Përgatiti në shqip: Jordanka Ivanova

Fotografi: sofiasportfilmfest.com dhe BGNES



Последвайте ни и в Google News Showcase, за да научите най-важното от деня!

Më shumë nga rubrika

Bullgari Karlos Nasar është kampion olimpik në peshëngritje me rekord botëror

Karlos Nasar u bë kampion i Olimpiadës në Paris në peshëngritje në kategorinë deri në 89 kg. Ai shkatërroi të gjithë konkurrencën dhe fitoi titullin, duke vendosur një rekord botëror në dyluftim. Peshëngritësi ynë 20-vjeçar, i lindur në Paris,..

botuar më 24-08-09 7.04.MD
Fituesi i medaljes së artë Semen Novikov

Katër medalje për Bullgarinë brenda një mbrëmjeje në Olimpiadën në Paris

Bullgaria ka tashme katër medalje në Lojërat Olimpike në Paris, të cilat janë fituar brenda një mbrëmjeje, informon BGNES. Së pari, Semen Novikov fitoi titullin në kategorinë deri në 87 kilogramë në mundjen klasike, më pas Kimia Alizadeh fitoi një..

rinovuar më 24-08-09 10.40.PD
Semen Novikov (majtas) dhe Alireza Mohmadipiani

Ari i parë olimpik për Bullgarinë nga Parisi 2024

Bullgaria ka tashmë kampionin e saj të parë olimpik në Lojërat e Parisit. Semen Novikov mposhti në finale mundësin iranian Alireza Mohmadipiani, i cili është nënkampion i botës në kategorinë deri në 87 kg. në mundjen e stilit klasik. Novikov..

botuar më 24-08-08 11.00.MD