Në lidhje me përvjetorin e saj të 80-të “Radio Bullgaria” ju ofron që çdo muaj të votoni për muzikë nga Bullgaria. Ndër pjesëmarrësit që do të votojnë për këngën fituese do të zgjidhen me short tre veta, të cilat do të fitojnë CD me muzikën në gjininë përkatëse. Votimi do të jetë në e-mail-in e redaksisë: albanian@bnr.bg. Rezultatet do të shpallen në datën 15 të çdo muaji.
Vazhdojmë me propozimet e reja nga programi më i ri prej 24 orësh me muzikë për fëmijë në platformën e internetit të Radios Kombëtare Bullgare “Vogëlushët e Radios Kombëtare Bullgare – nga fëmijët për fëmijët”.
Më 1 qershor – Dita Ndërkombëtare e Fëmijës, Radioja Kombëtare Bullgare startoi një stream online prej 24 orësh, orientuar ndaj auditorit të fëmijëve, me emrin “Vogëlushët e Radios Kombëtare Bullgare”. Emri nuk është i rastit – përveç programit me të njëjtin emër për dëgjuesit e vegjël, ai mishëron akoma një mision, më pak të njohur të Radios Kombëtare Bullgare – atë të producentit për muzikë për fëmijë të Radios Kombëtare Bullgare. Ky mision, në saje të dy formacioneve të radios – Radio-kori për fëmijë dhe grupi “Radio-deca” (“Radio-fëmijë”) jep mundësi për zhvillimin e talenteve pa presionin e biznesit mbi fëmijët.
Pikërisht kështu filloi edhe biseda jonë me Eliana Zaharievën, redaktore muzikore me shumë përvojë në Radion Kombëtare Bullgare, dirigjente korale dhe autore e stream-it “Vogëlushët e Radios Kombëtare Bullgare”. Eliana mendon se zërat e fëmijëve, që janë para moshës së pubertetit nuk duhet të përdhunohen me oktava të papërshtatshme. Një problem tjetër i rëndësishëm janë tekstet e papërshtatshme për dashurinë dhe ndarjen.
Në konceptin e Elianës këngët e stream-it nuk kanë kufi as sa i përket gjinisë, as sa i përket moshës dhe gjuhës. I bashkon tematika për fëmijë, por kjo nuk do të thotë se prindërit nuk mund të këndojnë bashkë me fëmijët, derisa ata pikturojnë ose luajnë. Interesi ndaj leximit gjithashtu nuk është harruar, sepse ka pushime me përralla nga fondi i Radios Kombëtare Bullgare.
Interesi i Elianës ndaj muzikës nuk përfundon me arsimin e saj në Konservator – që si fëmija ajo ka përjetuar një dëshpërim të madh, pasi duhej të mbetej në shtëpi te gjysha, derisa vëllai i saj i madh ishte në një koncert në sallën “Bullgaria”. Prandaj ajo ka filluar edukimin muzikor në stilin xhaz të birit të saj që si foshnjë. Sipas saj fëmijët duhet të dëgjojnë muzikë të bukur të gjinive të ndryshme dhe roli i prindërve në këtë drejtim është shumë i madh. Ndërsa stream-i Vogëlushët e Radios Kombëtare Bullgare, është vetëm ndihmës.
Ja edhe tri këngët për fëmijë, nga të cilat mund të zgjidhni atë që ju pëlqen më shumë:
Përgatiti në shqip: Vesella Mançeva
Për të pestin vit radhazi, Sofia Summer Fest - festivali veror i Sofjes - do të ofrojë përjetime të paharrueshme në kulmin e verës. Në Parkun e Jugut, në 30 ditët më të nxehta të sezonit, banorët dhe mysafirët e kryeqytetit do të kenë mundësinë të..
Në mes të verës së nxehtë, Ljubo Kirov nuk ndalet së krijuari. Menjëherë pas premierës së albumit të tij "Zemra e re" dhe shfaqjes së koncertit të tij në platformën HBO Max, këngëtari nisi turneun e tij kombëtar nën moton “Zemra e re 2024”. Këngëtari..
Më shumë se 40 vjet më parë, një këngë u bë simbol i miqësisë. Por edhe sot ajo na sjell ngrohtësinë e emocioneve pozitive - të qeshurat, gëzimi, lumturia... "Miq" është një nga hitet e para të formacionit vokal Tonika SV - u zgjodh si kënga e..
Angell Prodanov - Aço është gati 30 vjeç, dhe ndonëse që në fëmijëri luan piano dhe studion solfezh, ai ka rreth shtatë vjet që merret me muzikë..