Para disa ditësh përfundoi edicioni i XI i Akademisë Verore të Arteve – Sozopol. Brenda 20 ditëve qyteti ynë i bukur bregdetar priti 104 pjesëmarrës aktivë dhe 9 klasa mjeshtërore në fushat e muzikës, arteve të bukura dhe teatrit. I mbushi sallat me publik dhe me shumë miq, ndërsa koncertet e pjesëmarrëseve u bënë një feste e vërtetë për qytetin antik. Akademia e Arteve është themeluar në vitin 2004 me qëllimin kryesor të mblidhen njerëz të rinj të talentuar, të cilët në atmosferë të këndshme gjatë verës të tejzhvillojnë dhe të përsosin talentin e tyre nën mbikëqyrjen e pedagogëve me famë botërore.
Për edicionin e XI të Akademisë Verore të Arteve dhe për përshtypjet e saj për procesin mësimor, veprimtarinë krijuese dhe koncertet mbyllëse tregon Petja Velikova – themeluese dhe organizatore e këtij forumi.
“U zhvillua një aktivitet i mrekullueshëm kulturor. Të gjitha koncertet, ekspozitat dhe spektaklet ishin në nivel shumë të lartë. Ndër risitë gjatë këtij viti ishin klasa e prof. Kevork Mardirosjanit, i cili erdhi nga Universiteti i Idianës. Ai mblodhi shumë fëmijë bullgarë që jetojnë në Gjermani, Austri dhe pjesëmarrës të huaj – nga Kina, Spanja, SHBA. Klasa e tij përfshinte 18 nxënës, në koncertin përfundimtar u prezantuan 9 prej tyre.”
“Një aktivitet tjetër shumë interesant ishte klasa e aktrimit të Kasiel Noa Asher, e cila u krijoi nxënësve të saj liri në interpretimin e pjesëve të përjetshme të Shekspirit, Tenesi Uilajmsit dhe Evripidit. Eksperimenti krijues që bëri Kasiel me nxënësit ishte shumë i suksesshëm. Kishim dy profesorë të artit figurativ – Julian Mesa dhe Silivija Illkova. Fëmijët vizatuan me vaj mbi temën “Njeriu dhe deti”. Njëri prej aktiviteteve shoqëruese ishte ekspozita e Mesas dhe Stojan Filipovit – Fil. Interpretuesit e rinj të muzikës popullore te dr. Binka Dobrevës, këngëtare e njohur bullgare dhe soliste e korit “Misteri i zërave bullgarë” dhanë një koncert të suksesshëm. Kishte pjesëmarrës edhe nga Polonia, të cilët kënduan në bullgarisht.”
Përgatiti në shqip: Sofia Popova
Edicioni i dhjetë i festivalit Animaphix për filma të animuar në Siçili të Italisë, po i kushton një retrospektivë të veçantë krijuesit bullgar Teodor Ushev, i cili bëhet mbajtës i çmimit "Renato Gutuzo" për vitin 2024, njoftoi BTA. Ushev dekorohet..
"Një zjarr i shuar shpesh rindizet falë prushit që ka mbijetuar." Me këto fjalë të ngrohta profesori i filologjisë sllave Krasimir Stançev ngjall shpresë se interesi i pakësuar ndaj alfabetit bullgar, gjuhën bullgare dhe kulturën bullgare jashtë vendit..
Muzeu Letrar Kombëtar feston 174 vjetorin e lindjes së Ivan Vazov. Festimi shënon edhe përvjetorin e botimit të parë të pavarur bullgar të romanit "Nën zgjedhë", botuar në vitin 1894 nga shtëpia botuese "T. F. Çipev” – 130 vjet”, vëren Muzeu Letrar..