Një pazar me produkte të fermerëve bullgarë provokoi interes në Bruksel – e vizituan edhe bullgarë edhe të huaj. Ngjarja u zhvillua në Ditën e Bashkimit (më 6 shtator) si pjesë e fushatës “Le të mbrojmë shijen bullgare”. Ai ishte nismë e deputetit bullgar në Parlamentin Evropian Momçill Nekov dhe u organizua në bashkëpunim me lëvizjen Slow Food, e cila përpiqet të mbrojë traditat vendase gastronomike.
Pazari u organizua para ndërtesës së Parlamentit Evropian dhe nëpunësit e tij provuan shijet e pazakonshme bullgare nën tingujt e valleve tona tradicionale. Në stendat kishte mish derri, karakteristik për Ballkanin Lindor, kofsh derri me markën e provuar të qytetit Elena (Bullgari Qendrore), sallam-delikatesë nga rajoni i qytetit Razllog (Bullgari Jugperëndimore), djathë i mykur nga fshati Çerni Vit (Bullgari Veriore), djathë dhie, çaj malor nga mali Stranxha (Bullgri Juglindore), pestil nga qyteti Gabrovo (Bullgari Qendrore), etj.
Desisllava Dimitrova, koordinatore e lëvizjes Slow Food për Bullgarinë na tregoi më shumë për fushatën “Le të mbrojmë shijen bullgare”:
“Fushata filloi në vitin 2015 dhe Slow Food ishte ftuar si partner. Shpresojmë se rezultati do të jetë regjistrimi i produkteve nga rajone të përcaktuara gjeografike të vendit tonë. Shpresojmë se popullarizimi i këtyre produkteve do të stimulojë prodhimin e tyre dhe biznesin vendas. Qëllimi është promovimi i prodhuesve të vegjël.”
Produktet e prezantuara në pazarin e fermerëve bullgarë në Bruksel po presin regjistrimin e tyre si produkte me karakterizime përkatëse gjeografike. Një produkt i tillë kërkon qëndrueshmëri dhe teknologji të saktë për prodhimin e tij. Ka nevojë dhe për angazhim për regjistrimin e tij. Se si u zhvillua pazari në Bruksel, na tregoi përsëri Desisllava Dimitrova:
“Pazari u zhvillua në kuadrin e një dite. Para dite u organizua një konferencë, kushtuar ushqimeve tradicionale që janë karakteristike për ndonjë rajon konkret gjeografik. U diskutua ndikimi i tyre pozitiv mbi ndryshimet klimatike. Pasdite u zhvillua vetë pazari. Disa nga produktet e prezantuara janë shumë tipike dhe meritojnë regjistrimin e tyre si produkte unike me karakteristika përkatëse gjeografike. Disa prej tyre presin regjistrimin e tyre, mirëpo procesi është i gjatë për shkak të kërkesave të ashpra higjienike. Politikanët duhet të punojnë më fortë në përkrahjen e tyre. Njerëzit provuan produktet dhe shpresojmë se provokuam interesin e tyre për nisma të tilla më të mëdha në të ardhmen e afërt, kësaj here – me qëllime tregtare, jo vetëm promovuese. Gjërat zhvillohen në drejtimin e duhur. Ne jemi të kënaqur, prodhuesit – gjithashtu. Brukseli është një qytet i shumëngjyrësh, larmia është e madhe. Interes treguan edhe bullgarët, edhe të huajt. Ideja jonë ishte që të prezantojmë identitetin tonë kombëtar nëpërmjet ushqimit.”
Qëllimi i pazarit është që sa më shumë konsumatorë nga Bullgaria dhe nga jashtë të njihen me shijen bullgare. Produktet e regjistruara nga rajone konkrete gjeografike tërheqin turistë dhe kështu stimulojnë zhvillimin e vendit.
Përgatiti në shqip: Jordanka Ivanova
Fotografitë janë nga arkivi i Slow Food-it
Specialistë të gjuhës bullgare nga 32 vende nga tre kontinente marrin pjesë në seminarin trejavor për gjuhën dhe kulturën bullgare, i cili filloi sot në Universitetin e qytetit Veliko Tërnovo. Sipas korrespondentit të BNR-së në kryeqytetin e vjetër,..
Në Bullgari ka 5257 vendbanime, sipas regjistrit të Institutit Kombëtar të Statistikave nga viti 2021. Prej tyre, afro 5000 janë vendbanime të vogla, por sipas statistikave, çdo vit “vdes” nga një fshat bullgar sepse prej tij është larguar edhe banori i..
Hapësira për art, kulturë dhe dialog "Topllocentralla" në Sofje po përgatitet për një mbyllje spektakolare të sezonit të saj të pestë me edicionin e pestë të festivalit emblematik "Topllo Fest". Nën moton "Lartë në qiell", qiftet shumëngjyrëshe..
Java që kaloi ishte java e tretë e Shkollës Verore të Gjuhës dhe Kulturës Bullgarenë Tiranë. Kjo ishte dhe java e fundit e shkollës në ambientet e..
Gati 10 për qind e 11-vjeçarëve në vendin tonë kanë qenë të dehur të paktën dy herë në jetën e tyre, 18% e djemve dhe 13% e vajzave kanë pirë cigare,..
Donacionet dhe qëndrimi ndaj përparimit të shkencës dhe arsimit vendas janë lidhur me zhvillimin e arsimit të lartë në Bullgari. Falë shpirtit..