“Zëri i Spanjës” – Monserat Kabaje (Montserrat Caballe) e përmbushi me praninë e vet të fortë shpirtërore skenën e sallës numër një në Pallatin Popullor të Kulturës në Sofje. Më 10 tetor ajo këndoi bashkë me vajzën e saj Monserat Marti, tenorin Xhordi Gallan dhe Orkestrën Simfonike të Radios Kombëtare Bullgare në një spektakël të paharrueshëm. Pavarësisht nga mosha dhe nga shëndeti i keqësuar, prima e operës, e cila qe për herë të tretë në Bullgari, tregoi sesa e fortë mund të jetë dashuria ndaj muzikës dhe përkushtimi i krijuesit ndaj artit.
Në koncert tingëlluan arie të ndryshme të operave, duete, uvertura dhe preludi, si dhe gjinia muzikore-dramatike spanjolle, të afërt me operën – sarsuella. Dirigjenti, maestro Rikardo Estrada tregoi një mjeshtëri të madhe, duke dirigjuar dhe duke drejtuar me mjeshtëri një nga orkestrat tona më prestigjioze. Publiku vendas për herë të radhës e afroi njërën nga mjeshtret e fundit, e krahasuar me Maria Kallasin e madhe. Le të rikujtojmë se, çasti yjor i Monserat Kabajesë vjen më 20 prill 1965 kur ajo mishërohet në pamjen e Lukrecia Borxhija në skenën e “Karnegi Hollit” – në Nju Jork. Menjëherë pas kësaj e ftojnë nga “Metropolitan opera” ku këndon në “Faust” të Gunosë. Lavdija e saj botërore rritet dhe pas interpretimit të këngës-hit “Barcelona” me Fredi Merkjurin. Në karrierën e saj ajo interpreton role në “Madam Bëterflaj”, “Turandot”, “Toska” dhe “Xhani Skiki” të Xhakomo Puçinit, “Trubadur” të Xhuzepe Verdit e të tjera. Ka kënduar në partneritet me tenorët më të dashur të operës – Lluçano Pavaroti dhe Plasido Domingo e shumë të tjerë.
“Puna ime është e përmbushur me shumë vullnet dhe përpjekje. Gjithmonë jam munduar të japë më të mirën nga vetja, që të mund të justifikojë pritjet e publikut ndaj meje, si dhe këto të autorëve të krijimeve. Në qoftë se nuk e bën, domethënë të gënjesh dhe t’i thyesh. Duhet të pranosh atë e cila të rastis me dashuri. Duhet të mund të japësh dashuri, më në veçanti atyre, të cilët nuk të japin të tillë. Njeriu prandaj është këtu, që të mund t’u ndihmojë të tjerëve, dhe jo të jetojë për veten e vet.”
Kurse për kujtimet e veta nga jeta dhe për karrierën e vet të gjatë, këngëtarja e madhe shtoi: “Burri im shpesh thotë se duhet të shkruaj libër për jetën time, por nuk mendoj se do të mundem ta bëj. Kujtimet shprehen me të folur, dhe nuk janë në bardhë e zi.”
Maestro Rikardo Estrada tregon për grand damën e muzikës së operës:
“Në historinë e operës gjithmonë ka pasur zëra të shkëlqyer, por gjithmonë ka një shkallë më të lartë, në të cilën qëndrojnë të zgjedhurit. Unë mendoj se, Monserat është mbi të gjithë, sepse gjithmonë i ka shërbyer dhe i ka qenë besnike kompozitorëve dhe stilit në të cilin këndon. Ajo është Engjëll.”
Përgatiti në shqip: Nataniela Vasileva
Për të gjashtin vit radhazi, fshati malor Debnevo në rajonin e qytetit Trojan po pret Festivalin Ndërkombëtar të Muzikës dhe Artit Jam on the River. Veprimtaria, e cila mbledh shumë muzikantë të huaj dhe vendas, mbahet nga data 31 korrik deri më 3..
Dueti “Chaz\'n\'Byanka” regjistroi një këngë të re. Në "Një hap më afër", këngëtarëve Ljubomir Bojanov dhe Vasilina Bjankova iu bashkua Daniell Petrov, i njohur nga grupi “Taking Heed”. Pas krijimit të kësaj kënge qëndron një histori e vërtetë..
Një nga këngët pjesëmarrëse në Konkursin "Burgas dhe Deti" 2024 është "Ti më premtove" në interpretim të Ansamblit Vokal “HighLight”. Në të u mblodhën 20 këngëtarë të rinj të talentuar nga HighLight Singing Academy. Disa prej tyre tashmë janë fitues..
Pesë muzikantët e grupit vokal "Spektrum" - Spectrum Vocal Band - janë ndër ata që nuk pushojnë së na mahnitur me mundësitë e pafundme të zërave..
Festivali muzikor Breeze by Exit do të mbahet në qytetin tonë të Detit të Zi, Varna nga 15 deri më 18 gusht. Forumi muzikor është bashkim i dy..
“Horizont” është një grup me një histori 40-vjeçare. I formuar në vitin 1984 nga shokët e klasës dhe miqtë, grupi i ka mbetur besnik rock-ut melodik..