Me një premierë të shkëlqyer të dy baleteve me nga një akt të Igor Stravinskit “Zogu i zjarrtë” dhe “Petrushka”, Opera e Sofjes hapi stinën e vet të re. Shfaqja është e mjeshtrit me famë botërore Andris Liepa, i cili me shumë dashuri po rivendos koreografinë origjinale të Mihaill Fokin nga Stinët Ruse në Paris gjatë periudhës 1910-1911. Skenografia dhe kostumet janë përsëri në bazë të skicave origjinale të Aleksandër Benuas, një piktor teatral, i cili ka punuar për Teatrin Mariinski në Moskë, kurse gjatë vitit 1907, bashkë me Sergjej Djagilev, kanë drejtuar organizimin e Stinëve Ruse në Paris. Nën shkopin e Maestros Grigor Palikarov orkestra dhe solistët dhe ansambli i baletit e rikrijuan botën magjepsëse përrallore të muzikës. (Premiera e parë e baletit “Zogu i zjarrtë”, e cila kaloi me një sukses të madh më 25 qershor 1910 në teatrin e Parisit “Grand opera”, e bën kompozitorin e ri Igor Stravinski të njohur. Pasojnë “Petrushka” dhe “Sekreti pranveror”).
“Ne i japim mundësi publikut të marrë pjesë në këtë veprimtari tepër të shenjtëruar në stinën e re të Operës së Sofjes, me premierën e vet të parë “Petrushka” dhe “Zogu i zjarrtë” të Igor Stravinskit. Një kompozitor, i cili gjatë viteve të fundit asnjëherë nuk ka qenë në skenën tonë dhe në këtë bilanc me “Unazën e Nibelungëve” të Rihard Vagner, “Tristan dhe Izolda” dhe “Parsifallin” e ardhshëm, ne i japim baletit dhe orkestrës një sfidë të re, me muzikën e kompozitorit gjenial Igor Stravinski dhe në koreografinë e një djali të shumëpritur të teatrit tonë: Andris Liepa. Ai përpara 30 vjetëve debutoi në këtë skenë me “Arrëthyesen” kurse tani kthehet me një shkrim të ri të një koreografi. Ai është një emër serioz në koreografinë tonë moderne. Në skenën e teatrit tonë, i japim një prioritet trupës së baletit, që të mund së bashku me të, të hapim dyert dhe të ngremë perden e stinës së radhës krijuese. Kemi edhe një premierë baleti dhe ajo është e krijimit “Ana Karenina” në bazë të muzikës së Pjotër Iliç Çajkovskit. Programi ynë i operës përfshin “Forcën e fatit” nga Verdi dhe për herë të parë në Bullgari – “Pacifall” nga Rihard Vagner. Ajo do të jetë opera e gjashtë. Vetëm siç e bëjnë artistët bullgarë të baletit kjo bukuri dhe perlë e Stravinskit nën regjinë dhe koreografinë e z. Liapa, kështu dhe “Parsifall” bëjmë vetëm me këngëtarët tanë bullgarë të operës. Programi i stinës sonë verore po kështu është i ngrohtë dhe shumë interesant. Në repertorin e trupës kemi tituj të shumtë, të cilët do t’i prezantojmë nga stinët e mëparshme – si të baletit ashtu dhe të operës dhe shumë për fëmijët.”
“Ua përkushtoj këtë projekt veprimtarëve të mëdhenj të kulturës së Rusisë: Djagilev, Stravinski, Benoa, Fokin, Nizhinski dhe të gjithëve të cilët kanë marrë pjesë në kohë në këtë spektakël. Është shumë emocionuese se me këtë teatër dhe këtë spektakël arrijmë nivelin e kulturës botërore muzikore. Muzikantët dhe dirigjenti me të cilët punojmë mbi muzikën e shkëlqyer, e cila është thjesht simfonike dhe shumë serioze. Muzika e Stravinskit është një “bestseller” klasik. Ashtu si dhe muzika e shekullit të XX-të pa Stravinskin është praktikisht e pamundur. Dhe gëzohem, se liderë në muzikën botërore si Vagner dhe Stravinski marrin pjesë sivjet në skenën e Sofjes.”
Përgatiti në shqip: Nataniela Vasileva
Këngëtari në zë Grafa më 28 qershor nis “Turneun më të lumtur” me një koncert në Teatrin Veror në qytetin Stara Zagora. Në thelbin e turneut të madh veror të Vlladi Ampov – Grafa, është koncepti i koncertit të tij spektakolar në Stadiumin Kombëtar..
Kemi të paktën “100 arsye” për ta dashuruar Maria Ilievën, e cila e priti verën me një turne të ri me të njëjtin emër. Në serinë e koncerteve, që nisi më 21 qershor në Stara Zagora,ylli i muzikës bullgare pop performon si hitet e saj më të mëdha,..
I preferuari i disa gjeneratave, magjepsësi i përjetshëm me zë prej kadifeje, Orlin Goranov, shënon 50 vjetorin në skenë me një turne. I pari nga koncertet është në Plovdiv më 26 qershor, pasuar nga pesë të tjera në qytetet më të mëdha të vendit...
Shtëpia e Kulturës "Sredec" në Sofje shënon 50 vjetorin e saj me një sërë ngjarjesh muzikore nën titullin "Ishulli i Muzikës". Në këtë mënyrë,..
Dy autorë dhe interpretues të talentuar u bashkuan në një duet. Robi dhe Dara Ekimova krijuan bashkë muzikën dhe tekstin e këngës "Nëse telefonon"...