Programi i ditës
Radioja Kombëtare Bullgare © 2022 Të gjitha të drejtat janë të rezervuara

Irina Florin: “Ngjyra vjollcë” është jeta ime e mbledhur në muzikë

БНР Новини
Foto: arkiv personal

Para 20 vjetëve Irina Florin me zërin e saj melankolik dhe me këngën e saj “Ngjyra vjollcë”shtroi rrugën për këngën pop bullgare në diskoteka dhe në klubet e natës.Gjatë viteve të kaluara shumë këngë të saj ishin në krye të klasifikimeve të radios dhe televizionit. Kështu ato arrijnë tek publiku i sotëm me një fuqi të re, në orkestrim bashkëkohor dhe tingëllojnë në mënyrë moderne edhe për brezin e ri.


Sivjet Irina Florin prezanton turneun e vet kombëtar “Ngjyra vjollcë – 20 vjet më vonë”, i cili do të përfundojë në Sofje më 11 nëntor në sallën e parë të Pallatit Kombëtar të Kulturës. Në skenë publiku do të shikojë shumë muzikantë të shquar bullgarë, si Ljubo Kirov, Miro, Stenli, Diço dhe banda “Ostava”. Publiku do të dëgjojë hitet e këngëtares Irina Florin, si “Udhëtimi”, “Unë mund”, “Era fle”, “Lulet e djeshme” e shumë të tjera.

Vetë Irina Florin tha se ky turne është “Jeta ime e mbledhur në muzikë – muzika, të cilën dua ta lë në zemrat tuaja” dhe në vigjiljen e koncertit të saj më të madh ajo shtoi:

“Koncertet janë shumë emocionuese. Të gjithët jemi në skenë me energji të fortë dhe i kushtohemi plotësisht publikut. Njerëzit janë të lumtur. Në të vërtet për herë të parë organizoj koncerte aq të mëdha dhe publiku është befasuar në mënyrë të mirë. Do të jam e lumtur po të vijnë shumë njerëz në sallën e parë të Pallatit Kombëtar të Kulturës. Kjo do të jetë një përkrahje të fortë dhe besoj se njerëzit do të përjetojnë çaste të mrekullueshme me këtë spektakël.”

Irina Florin shpjegoi gjithashtu për çfarë këndon në këngët e saj:

“Flas për dashuri, për këtë dashuri, të cilën e ndiej unë, dhe të cilën më kanë dhënë mua, të cilën e shikoj brenda njerëzve rreth meje. Dashuria është në këngë, si “Unë mund”, “Era fle, “Deri kur”. Kjo e fundit prek ndjenjat e të gjithëve. Kur filloj ta këndoj publiku ngre në këmbë dhe këndojnë bashkë me mua. Kënga Ngjyra vjollcë “është finali i koncertit.”

Përgatiti në shqip: Jordanka Ivanova

Më shumë nga rubrika

Me “Dy puthje” e më shumë këngë të reja Georgi Hristov feston 40 vjetorin në skenë

Këtë vit Georgi Hristov, një nga zërat më të bukur të muzikës pop bullgare, feston 40 vjet në skenë - një kohë e mbushur me suksese, çmime, koncerte në disa kontinente, rreth 20 albume. Në muajin mars, këngëtari i njohur bëri një turne..

botuar më 22-05-20 11.24.PD

Për njeri tjetrin

Këngëtari i ri Atanas Kateliev së fundi prezantoi videon e këngës “Për njeri tjetrin”. Ajo është nga albumi i tij i parë që doli në tregun muzikor në vitin 2021. Atanas në fakt për nga arsimi është inxhinier - ai u diplomua për automatizim, dhe..

botuar më 22-05-18 12.45.MD

Maestro Najden Todorov: Njeriu kudo mund të krijojë çudira

Filarmonia e Sofjes do të mbajë një koncert në sallën e Vjenës Musikverein. Në programin e Orkestrës Simfonike Kombëtare nën drejtimin e dirigjentit Najden Todorov është suita groteske  “Xha Ganjo” nga klasiku bullgar  Veselin Stojanov dhe..

botuar më 22-05-17 9.24.PD