Disa ditë para Festës Kombëtare Ambasadori i Republikës së Shqipërisë në Sofje Qirjako Kureta bëri një vizitë në Radio Bullgarinë, ku u takua me Drejtorin e Përgjithshëm të Radios Kombëtare Bullgare Aleksandër Velev. Përfaqësuesi më i lartë shqiptar tek ne tregoi respektin e tij për punën e redaksisë shqipe në lidhje me lehtësimin dhe thellimin e kontakteve midis dy popujve. Me Drejtorin tonë Ambasadori Kureta bisedoi për mundësitë për zhvillim të mëtejshëm dhe në mënyrë sa më të mirë të bashkëpunimit midis institucioneve bullgare dhe shqiptare në fushën e medias dhe shtypit.
“Produktet bullgare në Shqipëri janë të njohura, mbi gjashtëdhjetë janë firmat bullgare në Shqipëri, mbi 14 mijë turistë bullgarë kanë vizituar Shqipërinë vitin e kaluar. Shifrat janë të vogla, mirëpo jemi shpresëplotë sepse jemi në rrugë të drejtë dhe nga viti në vit numrat po rriten” – tha Ambasadori Kureta. Në intervistën, të cilën ai dha për Radio Bullgarinë, ra fjalë për shumë aspekte të marrëdhënieve tona ndërshtetërore – për përparësitë dhe vështirësitë në sferat e ekonomisë, energjetikës, projekteve ndërkombëtare që do të inkurajojnë kontaktet në rajonin tonë ballkanik, për mundësitë për shfrytëzimin e përvojës bullgare në rrugën evropiane të Shqipërisë e kështu me radhë.
Shkupi dëshiron të tërheqë mallra nga Evropa drejt Selanikut përmes një linje të re hekurudhore Ndërtimi i linjës hekurudhore përgjatë Korridorit 10 është prioritet për Maqedoninë e Veriut, tha ministri maqedonas i Transportit Aleksandër..
Turizmi është diplomacia më e mirë sepse shoqërohet gjithmonë me emocione pozitive dhe kujtime të mira. Jemi jashtëzakonisht të impresionuar nga ajo që ka arritur Shqipëria në fushën e turizmit, tha ministri bullgar i turizmit Evtim Milloshev në..
Diskutuam se si ta bëjmë NATO-n më të fortë, duke u fokusuar në punën kolektive, duke forcuar njëkohësisht mbrojtjen e secilit vend anëtar, tha kryeministri në detyrë Dimitër Gllavçev. Ai shtoi se në diskutimet në Uashington në kuadrin e samitit me..