Qytetarët shënuan një fitore shumë të rëndësishme kundër monopoleve dhe gjykatave private të arbitrazhit. Këtë e deklaroi ditën e enjte në Parlament Avokatja e Popullit Maja Manollova pasi deputetët miratuan në lexim të dytë ndryshimet në Kodin Civil Procesual. Javën tjetër ato do të publikohen në fletoren zyrtare. Avokatja e Popullit saktësoi se të gjitha proceset e filluara të arbitrazhit do të ndërpriten. Ajo sqaroi gjithashtu se me ndryshimet do të pakësohen gjashtë herë shpërblimet e juristëve. Sipas fjalëve të saj këto janë shpenzime të konsiderueshme, me të cilat monopolet i ngarkojnë klientët e tyre në rastet kur i dërgojnë në gjyq. Jemi dëshmitarë se si startohen procese gjyqësore vetëm për shkak të shpërblimeve të juristëve, që të mund të fitojë monopolisti edhe më shumë nga klienti i tij, deklaroi Manollova. Ajo dha një shembull me kompaninë “Ngrohja Qendrore”, e cila i dërgon klientët e saj në gjyq madje për 5 euro. Këtej e tutje këto shpenzime nuk mund të tejkalojnë 75 euro. Maja Manollova deklaroi se kjo fitore kundër monopolit është e mundur në saje të bashkëpunimit të mirë mes qytetarëve, Avokates së Popullit dhe Kuvendit Popullor. Ajo i falënderoi deputetët se i kanë mbrojtur qytetarët dhe se ata nuk janë gjunjëzuar para presionit korporativ gjatë disa muajve të fundit.
Përgatiti në shqip: Vesella Mançeva
Javën e kaluar, Ursula von der Leyen mori nga Parlamenti Evropian një mandat të dytë në krye të Komisionit Evropian me më shumë vota se mandati i saj i parë. Roberta Metsola u rizgjodh me një shumicë të madhe për 2 vjet e gjysmë në krye të..
Një nga shkollat e larta në vendin tonë që ofron specialitete me mundësi studimi në frëngjisht është Universiteti i Ri Bullgar (NBU). Ndër tyre janë "Shkencat Politike" dhe "Gjuhët e huaja të aplikuara për administrim dhe menaxhim (në anglisht dhe..
Gati 10 për qind e 11-vjeçarëve në vendin tonë kanë qenë të dehur të paktën dy herë në jetën e tyre, 18% e djemve dhe 13% e vajzave kanë pirë cigare, dhe rreth 19% e 15-vjeçarëve kanë përdorur kanabis, sipas një studimi ndërkombëtar të sjelljes..
Një shumicë e konsiderueshme e të rinjve në vendin tonë - 89%, e shohin zhvillimin e tyre në pesë vitet e ardhshme jo jashtë vendit, por në Bullgari,..
Një studim i kompanisë së zgjidhjeve të biznesit "Moneypenny" tregon Sofjen si qytetin më të mirë për një evropian mesatar për të jetuar pas daljes në..