Sot shënojmë Ditën Ndërkombëtare të Lumturisë, shpallur me rezolutë të Asamblesë së Përgjithshme të OKB-së, e cila cakton synimin drejt lumturisë dhe mirëqenies si një qëllim fondamental të njerëzimit. Sipas raportit të OKB-së për periudhën e viteve 2013 – 2015 shteti më i lumtur ishte Danimarka, pas kësaj radhiteshin Zvicra dhe Islanda. Në një klasifikim të ngjashëm, bërë nga një qendre studimore britanike sipas një metodike tjetër, ndër shtetet më të lumtura janë Kosta Rika, Meksika dhe Kolumbia. Një anketim i Institutit të Studimit të Popullsisë dhe Njeriut pranë Akademisë Bullgare të Shkencave konstatoi, se megjithëqë bullgarët nuk janë të kënaqur nga mënyra e jetesës, ata arrijnë të jenë të lumtur, sepse nuk e lidhin lumturinë me gjërat materiale, por kryesisht me shëndetin, marrëdhëniet e mira, dashurinë, diellin dhe me ndjenje të tjera të mira.