Dy javë pas zgjedhjeve parlamentare para afatit në Bullgari ende po zhvillohen bisedime në nivel ekspertësh për programin e përbashkët të qeverisjes. Sidoqoftë, javën e kaluar u përvijuan disa gjëra të rëndësishme. Filluan bisedime në nivelin më të lartë midis partisë GERB dhe koalicionit nacionalist “Patriotët e Bashkuar” për formimin e koalicionit mes tyre. Të dyja formacionet u morën vesh që qeveria e re të jetë me mandat 4 vjeçar dhe me Kryeministër Bojko Borisov. Tani për tani është dukshëm se partia e re “Volja” /“Vullnet”/ e afaristit Mareshki nuk do të jetë partner koalicioni në qeveri. Mirëpo, GERB vuri në dukje se përkrahja suplementare në Parlament do të ishte e dobishme.
Qëllimi i bisedimeve në nivelin e ekspertëve është që programet paraelektorale të GERB-it dhe të “patriotëve” të përpunohen në një program të përbashkët qeverisës. Prioritetet, për të cilat GERB do të ngulë këmbë, do të jenë me rëndësi të parë që pas ditës së parë të punës së qeverisë së re dhe ato janë luftimi i burokracisë dhe korrupsionit, reforma gjyqësore, arsimi, kriminaliteti në familje. Javën e kaluar një prej bashkëkryetarëve të koalicionit “Patriotët e Bashkuar” – Krasimir Karakaçanov, vuri në dukje para Radios Kombëtare Bullgare se sa i përket kriminalitetit në familje ka mirëkuptim dhe se tashmë janë shënuar disa masa. Sa i përket temës së rritjes së pensioneve, ndaj së cilës GERB ka disa rezerva, është duke u kërkuar kompromis. Dallimet rreth aplikimit të sistemit zgjedhor mazhoritar, gjë për të cilën GERB ngul këmbë, kurse “patriotët” janë kundër, gjithashtu mbeten, por sipas Karakaçanovit ato nuk mund t’i ndalojnë bisedimet për formimin e qeverisë së re. Çështjet e hapura të lidhura me programin qeverisës tani për tani nuk lejojnë të bisedohet për përbërjen dhe ndarjen e përgjegjësive në kabinetin e koalicionit.
Ndërkaq, javën e kaluar u bë e qartë se ka të ngjarë që Presidenti Rumen Radev të thërrasë Parlamentin e ri pas Pashkëve dhe kjo na jep arsye për të menduar se së shpejti do të kemi qeveri të re. Sipas Kushtetutës, Presidenti i dorëzon mandat për formimin e qeverisë së re partisë që i ka fituar zgjedhjet dhe në rast se mandati përfundon me sukses – i propozon Parlamentit të zgjedhë kandidatë për Kryeministër. Pas kësaj deputetët votojnë për përbërjen dhe strukturën e Këshillit të Ministrave. Në rrethet e Partisë GERB priten që deri në fund të prillit të zgjidhet qeveri e re me në krye partinë GERB.
Përgatiti në shqip: Vesella Mançeva
Në rezidencën "Bojana", ushtruesi i detyrës së kryeministrit dhe të ministrit të jashtëm, Dimitër Gllavçev i mirëpriti stafit diplomatik në pritje për Ditën e Dikaterit Diplomatik Bullgar - 19 korrik dhe 145 vjetorin e themelimit të shërbimit...
Importet e litiumit nga Serbia do të ndihmojnë BE-në të zvogëlojë varësinë e saj nga Kina Kancelari gjerman Olaf Scholz dhe nënkryetari i Komisionit Evropian i ngarkuar për energjinë Maros Ševçović do të vizitojnë..
Në Sozopoll, ku sot mori pjesë në ceremoninë solemne para Monumentit të Apostullit të Lirisë Vasill Levski, me rastin e 187-vjetorit të lindjes së tij , nënpresidentja Ilijana Jotova shprehu shpresën për formimin e një qeverie me të tretin..