Fillon procesi gjyqësor kundër 17 gazetarëve të “Xhumhjuriet”-it

Gazeta “Xhumhjuriet” njofton, se sot në Turqi fillon procesi gjyqësor kundër 17 gazetarëve të saj të arrestuar gjatë tetorit të vitit të kaluar në kuadrin e gjendjes së jashtëzakonshme vendosur pas provës së grushtit të shtetit. Sipas opozitës, gjendja e jashtëzakonshme shfrytëzohet për persekutimin e secilit, i cili e ka guximin të kritikojë Erdoganin. Në se të akuzuarit do të dënohen, atëherë atyre mund t’u caktohen dënime deri në 43 vjet heqjen e lirisë. Procesi konsiderohet si një tregues për lirinë e shtypit në Turqi. Në klasifikimin e organizatës “Reporterë pa kufi” Turqia radhitet në vendin 155-të në botë sipas këtij treguesit, edhe pas Bjellorusit dhe Republikës Demokratike të Kongos.

SHBA-ja forcojnë angazhimin ndaj Ballkanit

Zëvendës ndihmësi i sekretarit amerikan të shtetit për çështjet evropiane dhe evroaziatike Hojt Brajën Ij tha para “Zërit të Amerikës”, se SHBA-ja do të zgjerojnë angazhimet ndaj Ballkanit për ta mbrojtur nga ndikimi negativ i Rusisë. Politikani sqaroi, se kur bëhet fjalë për interesa të përbashkëta në rajon, si terrorizmi për shembull, SHBA-ja  do të bashkëpunojnë me Rusisë, mirëpo, në se interesat e Rusisë dhe SHBA-së  janë në kundërshtim, atëherë Uashingtoni do të mbrojë interesat e veta dhe të atyre të aleatëve, “gjë që e bënë edhe tani” theksoi Hojt Brajën Ij.

Viti i ardhshëm mund të jetë vendimtar për emrin e Maqedonisë

Duke iu referuar burimeve diplomatike gazeta greke “Katimerini” thekson, se viti i ardhshëm mund të ketë rëndësi vendimtare për diskutimin shumëvjeçar midis Athinës dhe Shkupit për emrin e Maqedonisë. Përfaqësues zyrtarë në Evropë dhe SHBA-në mendojnë, se një mundësi për zgjidhjen e kësaj mosmarrëveshje mund të jenë zgjedhjet vendore gjatë tetorit të këtij viti dhe zgjedhjet presidenciale në Maqedoni vitin e ardhshëm. Diskutimi për emrin ishte tema kryesore e bisedimeve të zhvilluara javën e kaluar në Athinë midis përfaqësueses supreme të BE-së për politikën e jashtme dhe politikën e sigurisë Federika Mogerini dhe kryeministrit Aleksis Cipras dhe ministrit të jashtëm Nikos Kocijas. Zoti Kocijas tha pas bisedimeve, se pret që pas ndërrimit të pushtetit në Maqedoni, që më lehtë të zgjidhet problemi me emrin.

Maqedonia dhe Bosnje e Hercegovina arritën marrëveshje për bashkëpunim

Gjatë bisedimeve në Sarajevë kryeministri maqedonas Zoran Zaev dhe homologu i tij boshnjak Denis Zvizdiç u pajtuan, se midis Shkupit dhe Sarajevës nuk ka çështje të ndjeshme për zgjidhje dhe ekziston vullnet politikë për forcimin e bashkëpunimit në rajon. Maqedonia dhe Bosnje e Hercegovina kanë një bashkëpunim të mirë ndërkombëtar dhe qëllime të përbashkëta strategjike përsa i përket BE-së dhe NATO-së, theksuan të dy kryeministrat. Në një takim të zotit Zaev me kryetarin e Dhomës së Përfaqësuesve të Asamblesë Parlamentare të Bosnje e Hercegovinës Shefik Xhaferoviç u diskutua mundësia për zgjerimin e bashkëpunimit parlamentar. Zoti Xhaferoviç përshëndeti ndryshimet demokratike në Maqedoni dhe caktoi kryeministrin Zoran Zaev si “një shpresë e re për regjionin”.

Gjyqi e lëri ish kryeministrin Gruevski pa pasaportë

Ish kryeministri maqedonas dhe lider i tanishëm i Partisë Opozitare VMRO-DPMNE Nikolla Gruevski mbetet pa pasaportë. Këtë e vendosi Gjykata e Apelit në Shkup. Vendimi nuk mund të apelohet. Pa pasaportë metën gjithashtu ish ministrat e punëve të brendshme dhe të transportit – zonja Gordana Jankullovska dhe zoti Mile Janakievski, ish shefin e kabinetit të Gruevskit – Martin Protoger dhe ish sekretarin e përgjithshëm të qeverisë Kirill Boxhinovski. Të gjithë ata hetohen në kuadrin e procesit “Titanik” për shpërdorime të rënda financiare dhe për abuzime me pushtetin.

Përpilues: Stoimen Pavllov
Përgatiti në shqip: Svetllana Dimitrova

Fotografi: BGNES