Maqedonia bëri një hap përpara në normalizimin e Ballkanit
Kompania Private e Hetimit “Stratfor” nxori përfundimin, se Maqedonia realizoi një hap të madh për normalizimin e Ballkanit. Kompania iu referohet një analize të ish ambasadorit amerikan në Beograd Kamerën Mantër, i cili thekson, se qeveria maqedonase kreu një punë të madhe duke përmirësuar marrëdhëniet me shtetet fqinje. Këtë qëndrim të vet diplomati iu referon nënshkrimit të marrëveshjes për miqësi me Bullgarinë, dëshirës të zgjidhet mosmarrëveshja me Greqinë për emrin, zgjerimit të bashkëpunimit me Shqipërinë. Sipas diplomatit, Ballkani Perëndimor më mirë do të zgjidhë problemet me ndihmë nga jashtë dhe çështja është, se kur liderët evropianë do të zbulojnë këtë dhe se do të arrijnë të marrin masat e domosdoshme me kohë.
Ballkani nuk është oborri i prapmë i Evropës, por vet Evropa
Përfaqësuesja supreme e BE-së për punët e jashtme dhe sigurinë Federika Mogerini komentoi para takimit të ministrave të jashtëm të bashkimit në Bruksel, se gjatë vitit të fundit tensioni në Ballkan u rrit në mënyrë shqetësuese, por në fund të fundit shtetet e regjionit arritën të ripohojnë dëshirën dhe aftësinë për integrim me BE-në. Ballkani nuk është oborri i prapmë i Evropës, por vet Evropa, theksoi zonja Mogerini.
Një projekt për urë në Detin Adriatik u bë shkak për lindjen e një mosmarrëveshjeje midis Bosnjës dhe Kroacisë
Bosnje e Hercegovinë do të shfaqë pretendime ndaj Kroacisë për një pjesë prej Detit Adriatik, në se ajo do të ndërtojë mbi të urë për autostradë, e cila të kalojë jashtë territorit të saj. Këtë e deklaroi ministri boshnjak i çështjeve civile Adil Osmanoviç në një letër dërguar ministrit kroat të transportit dhe çështjeve detare Oleg Burkoviç. Tetë kilometra nga territori i Bosnjës kufizojnë me Detin Adriatik në rajonin e gadishullit Peleshac, por ujërat bregdetarë i përkasin Kroacisë. Përmes territorit të Bosnjës kalon autostrada E 65, e cila lidh pjesën kryesore të Kroacisë me rajonin e saj jugor, ku ndodhet porti i madh Dubrovnik. Ideja e Zagrebit të kalojë anas Bosnjës nuk mirëpritet në Sarajevë, sepse ajo do të humbë para nga tranzitimi përmes territorit të saj. Në fund të qershorit Kroacia humbi një mosmarrëveshje me Slloveninë për kufirin detar në Gjirin Piranski, pasi Gjykata Ndërkombëtare e Arbitrazhit në Hagë mori vendim me të cilin ripohoi të drejtën e Sllovenisë për dalje direkte në ujëra ndërkombëtarë.
Sipas Ankarasë kurdët kontrollojnë 89 për qind prej tregut të narkotikëve në Evropë
Sipas një raporti të policisë turke, Partia Punëtore Kurde kontrollon 80 për qind prej tregut të narkotikëve në Evropë, ndërsa gjatë këtij viti fitoi 1.5 miliard dollarë vetëm nga prodhimi i heroinës në Irakun Verior. Heroina e prodhuar në Azi dërgohet në Perëndim, ndërsa droga sintetike prodhuar në Evropën Perëndimore tranzitohet përmes Turqisë drejt vendeve arabe, theksohet në raport. Autorët nënvizojnë, se tregtia me droga është burimi kryesor i financave për Partinë Punëtore Kurde. Që nga viti 1984 ajo zhvillon luftë të armatosur kundër shtetit turk, duke pretenduar për pavarësi ose për autonomi të gjerë.
Përpilues: Stoimen Pavllov
Përgatiti në shqip: Svetllana Dimitrova
Në Muzeun Arkeologjik në Burgas (Blvd. "Aleko Bogoridi" 21) u hap ekspozita "Thesari i Artë i Panagjurishtes". Kopja muzeale e thesarit më të famshëm bullgar është kthyer së fundmi nga një vizitë në Dubai dhe tani është e ekspozuar në sallën "Tresor" të..
Muzeu etnografik në Burgas do të mbajë erë ushqimi. Aty, drejtori i muzeut, dr. Milen Nikollov, do të demonstrojë personalisht kuzhinën etnike dhe aftësitë e tij në kuzhinë. Ai do të gatuajë mish derri me lëpjetë, qepë të njoma dhe mente sipas një recete..
Për herë të 20-të Sofja i bashkohet “Natës Evropiane të Muzeve”. Iniciativa organizohet nga Instituti Francez në Bullgari, Ministria e Kulturës dhe Bashkia e Sofjes të shtunën e tretë të majit. Në programin e natës, banorët dhe të ftuarit e kryeqytetit..
Të tre mediat publike shpallën një nismë të përbashkët - "14 shekujt e Bullgarisë në Evropë". BNT, BNR dhe BTA do të krijojnë një Komitet Iniciator për..
Nxënësi i klasës së njëmbëdhjetë Vencisllav Velev nga Shkolla e Mesme Matematikore "Baba Tonka" në qytetin Ruse fitoi medaljen e argjendtë në Olimpiadën..
Javën e kaluar, ministrat e ekonomisë dhe financave të BE-së miratuan planin për Ukrainën, i cili përcakton veprimet për rimëkëmbjen, rindërtimin dhe..