Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

„Desanti” i qeverisë bullgare në Romë

БНР Новини
Foto: BGNES

Analizatorët politikë në Sofje gjatë ditëve të fundit komentojnë aktivizimin e pazakonshëm të marrëdhënieve mes Bullgarisë dhe Italisë. Më 9 dhe 10 nëntor Zëvendëskryeministrja e Reformës në Drejtësi dhe e Punëve të Jashtme Ekaterina Zaharieva ishte për një vizitë pune në Romë dhe atje bisedoi me homologun e saj Angelino Alfano. Dje Kryeministri Bojko Borisov bëri një vizitë njëditore në Qytetin e Përjetshëm, ku u përshëndet me nderime në “Palazo Chigi” (ndërtesën e qeverisë italiane) nga lideri i pushtetit ekzekutiv Paolo Gentiloni.

Ky “desant” bullgar në Itali nuk ishte i rastësishëm. Mund të them se Zaharieva dhe Alfano e “përgatitën tokën”, kurse Borisovi dhe Gentilloni bashkërenduan pozitat bilaterale për disa çështje të rëndësishme për të dyja shtetet.

Një nga ato çështje është presidenca bullgare e Këshillit të Bashkimit Evropian gjatë gjysmës së parë të vitit 2018. “Italia është së bashku me Bullgarinë dhe do ta përkrahë atë gjatë presidencës së saj”, shpalli Gentiloni në konferencën e përbashkët me Bojko Borisovin për media. Angelino Alfano gjatë bisedës me Ekaterina Zaharievën gjithashtu tha se “Prioritet e kryesisë bullgare janë edhe prioritetet tona dhe mund të mbështeteni tek ne me çdo kusht”.

Njëri nga këto prioritete u komentua nga politikanët bullgarë dhe italianë hollësisht – bëhet fjalë për aderimin e shteteve të Ballkanit Perëndimor në Bashkimin Evropian. Kryeministri bullgar Borisov shpjegoi se në këtë drejtim ka shumë për të bërë. Sepse sfidat në regjion janë të shumta dhe të lidhura me zhvillimin e projekteve infrastrukturore dhe komunikacioneve. Siç është, për shembull, Korridori Evropian Numër 8. “Ky projekt është shumë i rëndësishëm dhe ofron mundësi për investime nga ana e Bashkimit Evropian” – tha Borisovi. Shteti italian shprehu përkrahjen e tij të plot për këtë synim të mirë të Bullgarisë.

Ministrat e punëve të jashtme dhe pastaj kryeministrat e Bullgarisë dhe Italisë bashkërenduan pozitat e tyre për një çështje të ndjeshme - fluksin e emigrantëve nga Lindja e Mesme dhe Afrika Veriore drejt kufijve të dy shteteve, të cilat janë të jashtme për Bashkimin Evropian. Bojko Borisovi ishte kategorik – diplomacia evropiane  nuk duhet të jetë pasive, siç ishte deri tani, por duhet t’i ndihmojë në mënyrë efektive të dyja shtetet. Mirëpo kryeministri ynë nuk ndaloi këtu. Sipas fjalëve të tij Roma harxhon shumë para për ndërtimin në Libi të qendrave për strehim të refugjatëve, mirëpo kjo politikë s’ka të ardhme. Ajo duhet të veprojë sipas shembullit të Sofjes, duke kufizuar migracionin ekonomik dhe duke forcuar masat e parandalimit në kufijtë e saj, që janë kufijtë e jashtme të Bashkimit.

Ministrja bullgare e Punëve të Jashtme dhe Kryeministri ynë prekën edhe temën për aderimin e Bullgarisë në Hapësirën e Shengenit. Ata shpjeguan se Sofja është plotësisht e gatshme dhe ka zbatuar të gjitha kriteret teknike për këtë. Edhe për këtë çështje ata morën përkrahjen e plotë të homologëve italianë.

Për sa u përket marrëdhënieve dypalëshe, gjatë bisedimeve në Romë u bë e qartë se ato vazhdimisht janë duke u zhvilluar në mënyrë pozitive në të gjitha sferat. Këtu mund të përmendim vetëm një shembull. Tradicionalisht Italia është në pozitat e para ndër partnetët tanë tregtarë.  Sipas të dhënave statistikore eksporti bullgar për Itali gjatë vitit 2016 është për 170 miliona euro dhe kështu Italia bëhet tregu i dytë më i rëndësishëm për mallrat bullgare pas atij të Gjermanisë. Gjatë të njëjtit viti Bullgaria ka importuar nga Italia mallra dhe shërbime për dy miliardë e 67 miliona euro. Kështu importi italian tek ne renditet në vend të tretë pas Gjermanisë dhe Rusisë.

Dhe më në fund një hollësirë kureshtare. Sipas thashethemeve të prapaskenës gjatë kohës së vizitës së Bojko Borisovit në Romë mikpritësit kategorikisht kanë ndaluar temën për dështimin ekombëtares italiane të futbollit në Moskë gjatë kualifikimeve për Botëroren në Moskë. Në revanshin në fushën e tyre në Milano, italianët nuk shënuan asnjë gol në portën e suedezëve  dhe kështu për herë të parë që nga viti 1958 nuk do të marrin pjesë në Kampionatin Botëror. Turp dhe zi kombëtare për tifozët e Çizmes së Italisë!

Përgatiti në shqip: Jordanka Ivanova



Последвайте ни и в Google News Showcase, за да научите най-важното от деня!

Më shumë nga rubrika

Bojko Borisov dhe Rosen Zheljazkov

Një kabinet i mundshëm i GERB-it do të vendosë 3 prioritete

Qëllimi i parë dhe më i rëndësishëm është miratimi i një buxheti. Synimi i dytë është Plani i Rimëkëmbjes dhe Qëndrueshmërisë. Eurozona është një çështje politike dhe nëse ka një qeveri, ne mund ta lëvizim atë. Pas kësaj, ne mund të shkojmë me..

botuar më 24-07-01 11.55.PD

Ngjarjet me adresë ballkanike

Shkupi pretendon se Bullgaria nuk ka një projekt për lidhje hekurudhore përgjatë Korridorit nr.8 Ndërtimi i linjës hekurudhore nga Kriva Pal в anka deri në Bullgari përgjatë Korridorit nr. 8 mund të humbasë financimin nga BE-ja për shkak..

botuar më 24-06-28 2.45.MD
Presidenti Rumen Radev

Klasa politike në Republikën e Maqedonisë së Veriut ka frikë të njohë ekzistencën e fjalës "bullgar" atje

Kreu i shtetit Rumen Radev bëri thirrje për veprime konkrete të menjëhershme nga qeveria bullgare dhe institucionet evropiane për respektimin e parimeve evropiane për zgjerimin e Bashkimit Evropian. “Qeveria e re në shtetin tonë fqinj ka treguar..

botuar më 24-06-26 8.09.MD