Ushtria dhe Policia u ndihmojnë njerëzve në fatkeqësi në Shqipëri
Afro pesë mijë policë dhe ushtarë u dislokuan në rajonet e përmbytura në Shqipëri, për të ndihmuar shpëtimin e njerëzve të prekur. Kryeministri Edi Rama tha se situata “është jashtëzakonisht kritike”. Mbrojtja Civile njoftoi për 1500 veta të shpëtuara, disa mijë shtëpi pa rrymë elektrike dhe afro 8 mijë hektarë sipërfaqe të punueshme nën ujë, disa rrugë të pakalueshme në pjesën jugore të vendit.
Ramush Haradinaj tashmë nuk kërkohet nga Interpoli
Kryeministri i Kosovës Ramush Haradinaj nuk figuron në listën e Interpolit me persona të cilët kërkohen për krime ushtarake të kryera prej tyre. Nga lista e urdhër arrestit u larguan 18 shtetas të Kosovës, vetëm një ditë pas vizitës së ministrit kosovar të punëve të brendshme Flamur Sefaj dhe të drejtorit të policisë Shpend Manxhuni në selinë e Interpolit në Lion. Sipas portalit “Indeksonlajn” vendimi u mor me kërkesë të autoriteteve të Beogradit, të cilët hoqën dorë nga kërkimi ndërkombëtar i këtyre personave.
Diantei turk ndaloi që burrat të ngjyrosin flokët me bojë të zezë
Udhëheqja e çështjeve fetare e Turqisë (Dianet) ditën e premte lëshoi një urdhëresë fetare (Fetva) me të cilën u ndalohet burrave të shfrytëzojnë bojën e zezë për flokët. Ngjyrosja e flokëve, mjekrës dhe mustaqeve është e lejueshme në se nuk ka për qëllim të mashtrojë njerëzit. Ngjyrosja me bojën e zezë nuk u lejohet burrave për shkak të normave islamike. Ndalohet muzika e cila shërben “për përhapjen e gjynahut” dhe ndalohet puna aty, ku shitet alkool, vetëm në rast se “nuk ka ndonjë mundësi tjetër të punohet për nxjerrjen e bukës së gojës”. Para pak kohe Udhëheqja e çështjeve fetare e Turqisë (Dianet) caktoi si të papërshtatshme operacionet me valutën virtuale bitcoin, kujton Agjencia RIA-Novosti.
Qindra njerëz u arrestuan për armë dhe narkotikë në Serbi
Ministria e Punëve të Brendshme në Serbi zhvilloi gjatë disa ditëve të fundit disa operacione, gjatë të cilave u kapën 139 veta për tregti me armë dhe posedim të paligjshëm arme. U zbuluan 129 kg narkotikë, 56 pushkë dhe automate, 36 pistoleta, granata dore dhe disa minahedhës, 14.5 kg eksploziva. Të arrestuarit për shitje dhe posedim narkotikësh janë gjithsej 96, kurse për ata për ruajtjen e paligjshme të armëve – gjithsej 43.
Gruevski po përgatit për trashëgimtar të vet një përkrahës të flaktë të “antikuizimit”
Tri ditë pasi lideri i VMRO – DPMNE-s bëri të ditur se ka në plan të tërhiqet nga posti i liderit të partisë u bë e qartë se formacioni do të zhvillojë një kongres të jashtëzakonshëm më 23 dhjetor. Zakonisht si trashëgimtar i liderit të partisë përmendet Ilia Dimovski, i cili është ndër personat më besnikë të udhëheqësit të deritanishëm të Komitetit Ekzekutiv. Dimovski është gjithashtu ndër mbrojtësit më të flaktë të projektit tashmë të ndaluar “Shkupi 2014” dhe të politikës së të ashtuquajturit “Antikuizim i Maqedonisë”. Ai personalisht e udhëhiqte bllokadën e Parlamentit të Maqedonisë në fillim të këtij viti, gjatë të cilit u dëmtuan mbi 100 veta, përfshi këtu edhe Kryeministrin e tanishëm Zoran Zaev.
Përpilues: Stoimen Pavllov
Përgatiti në shqip: Svetllana Dimitrova, Vesella Mançeva
120 shkencëtarë nga Bullgaria dhe 10 vende të botës marrin pjesë në një festival që mbahet nga 9 deri më 12 maj në Tech Park të Sofjes. Organizatorët njoftojnë se ndër të ftuarit e njohur ndërkombëtarisht, të cilët do të ndajnë njohuritë e tyre në një..
Në konkurrencën e mbi 35 ekipeve nga e gjithë bota, ekipi i Universitetit të Sofjes “Shën Kliment Ohridski” fitoi vendin e parë në konkursin më të madh në të drejtën private ndërkombëtare – “Pax Moot Court”, i mbajtur në periudhën 24-26 prill 2024 në..
Zhvillimi i inteligjencës artificiale ndan qëndrimet mes bullgarëve, por duket se mbizotëron shqetësimi. Këtë e tregojnë rezultatet e një sondazhi të agjencisë së sondazheve Gallup International. 21% e të anketuarve thonë se inteligjenca..
Konferenca e vjetore Ndërkombëtare e Institutit të Gjuhës Bullgare “Prof. Ljubomir Andrejçin” pranë Akademisë Bullgare të Shkencave do të mbahet më 15..
Diku në rrëzë të Rodopeve Lindore, vetëm 100 metra nga kufiri ynë me Greqinë, ndodhet fshati Kushlla. Jo shumë kohë më parë - në vitet 1970 - popullsia e..
Madje produktet më të zakonshme që përdorim në jetën tonë të përditshme janë rezultat i proceseve dhe trajtimeve komplekse, materialet e përdorura në të..