Ballkani Perëndimor mund të mbështetet tek përkrahja e PE-së
Kryetari i Parlamentit Evropian Antonio Tajani tha në Beograd, se shtetet e Ballkanit Perëndimor kanë një perspektivë të qartë evropiane dhe mund të mbështeten tek përkrahja e Parlamentit Evropian në këtë proces. Sipas sajtit “European Western Balkans” Tajani nënvizoi se Serbia dhe Mali i Zi mund të jenë gati për anëtarësi në vitin 2025, mirëpo në të dyja vendet ka nevojë për përparim të konsiderueshëm në fushën e epërsisë së ligjit, drejtësisë dhe të drejtave themelore”. Kryetari i Parlamentit Evropian vizitoi Serbinë pak para shpalljes së strategjisë së re të BE-së për Ballkanin Perëndimor, që pritet se do të bëhet më 6 shkurt.
Maqedonia ndërron emrat e një aeroporti dhe një autostrade në shenjë të vullnetit të mirë ndaj Greqisë
Zëdhënësi i qeverisë maqedonase Mile Boshnjakovski pohoi se aeroporti në Shkup dhe një nga autostradat së shpejti do të kenë emra të rinj. Para një jave në Davos Kryeministri maqedonas Zoran Zaev i tha homologut të tij grek Aleksis Cipras, se aeroportit të Shkupit “Aleksandri i Madh” dhe autostradës ndërkombëtare “Aleksandri i Maqedonisë” do t’u jepen emra të rinj në shenjë të vullnetit të mirë dhe të përmirësimit të marrëdhënieve mes Maqedonisë dhe Greqisë. Lidhur me vizitën në Shkup të ndërmjetësuesit në negociatat për emrin e Maqedonisë Matthew Nimetz, Boshnjakovski komentoi se vullneti për zgjidhjen e problemit me emrin shtetëror është më i fortë se kurdoherë tjetër.
NATO-ja e fton Maqedoninë menjëherë pas zgjidhjes së kontestit për emrin
Sekretari i përgjithshëm i NATO-së Jens Stoltenberg pohoi para medias serbe “Politika” se do të dërgojë në Maqedoni ftesë për anëtarësi menjëherë pas zgjidhjes së problemit me emrin e shtetit në kuadrin e OKB-së. Sekretari i përgjithshëm tha se “Ballkani është një rajon strategjik për NATO dhe pakti mbetet krejtësisht i angazhuar me stabilitetin e tij. Njëkohësisht Stoltenberg nënvizoi se zgjerimi i NATO-së nuk është kundër Rusisë.
Opozita në Shqipëri do të protestojë deri në rrëzimin e qeverisë
Pas protestës së madhe të së shtunës me kërkesë për dorëheqjen e qeverisë Rama 2, opozita deklaroi se protestat do të vazhdojnë deri në rrëzimin e qeverisë. Lëvizja Socialiste për Integrim e, cila i shpalli Ramës “luftë ” akuzon kabinetin për lidhjet e tij me kriminalitetin e organizuar dhe bëri thirrje për një “qeveri kundër mafies”, që do të kryejë reformën e gjyqësorit në përputhje me Kushtetutën dhe do të përgatisë zhvillimin e zgjedhjeve të lira dhe të drejta.
Serbia ka parashikuar 300 miliona dollarë për lobim kundër Kosovës?
Ministri i jashtëm Behgjet Pacolli shpalli se shteti serb ka ndarë më se 300 milionë dollarë dhe ka angazhuar një ekip prej 20 vetash, i cili ka për qëllim pengimin e integrimit të Kosovës në mekanizmat ndërkombëtarë. Ky lobim do të zhvillohet në shtetet, të cilat tashmë e kanë njohur pavarësinë e Kosovës. “Nuk ka shtet në kontinentin e Afrikës, ku Serbia nuk ka delegacion të lobojë kundër shtetit të Kosovës” – ka deklaruar Pacolli, i cituar nga RTK.
Përpiloi: Stoimen Pavllov
Përgatiti në shqip: Jordanka Ivanova
Në Bullgari, sipas të dhënave jozyrtare janë 120 mijë persona me probleme në të dëgjuarin. Shumë prej tyre nuk duan të mësojnë gjuhën e shenjave, edhe pse kjo është e dobishme për ta. Në shkolla nuk ka përkthim për fëmijët me probleme në të..
Bullgarët janë minoriteti i tretë më i madh në Shqipëri - sipas të dhënave të fundit të regjistrimit të popullsisë në këtë vend ballkanik. Këto janë të dhënat e para zyrtare statistikore për numrin e bullgarëve atje, pasi minoriteti ynë u njoh..
"Veshjet dhe armatimet bullgare të Mesjetës së Vonë" - kështu titullohet ekspozita e re e përhershme në Kalanë "Baba Vida" në qytetin e Bullgarisë Veriperëndimore Vidin. Në të vizitorët mund të shohin veshjet, armët dhe armatimet e Mesjetës..
Në Bullgari ka 5257 vendbanime, sipas regjistrit të Institutit Kombëtar të Statistikave nga viti 2021. Prej tyre, afro 5000 janë vendbanime të vogla, por..
Specialistë të gjuhës bullgare nga 32 vende nga tre kontinente marrin pjesë në seminarin trejavor për gjuhën dhe kulturën bullgare, i cili filloi sot në..