Më se 10 mijë hektarë është sipërfaqja e përbashkët e ligatinave të restauruara buzë lumit Danub gjatë 10 vjetëve të fundit. Këtë e bënë të dituar nga organizata e ambientalistëve WWF. Lidhur me datën 2 shkurt – ditën ndërkobëtare të zonave të lagëta ekologët shpjeguan se deri para pak kohe rëndësia e këtyre zonave nuk ishte vlerësuar siç duhet dhe si rezultat prej veprimtarisë së njeriut janë asgjësuar 80% prej ligatinave buzë lumit Danub. Kjo ka shkaktuar dëme të pakapërcyeshme për peshkimin në lum. Në të kaluarën krapi i egër përbënte 65% prej peshqve të zënë në lum. Pas tharjes së kënetave krapi i egër është një specie e rrezikuar. Ligatinat janë shumë të rëndësishme për cilësinë e jetesës së njerëzve dhe të kafshëve. Ato janë zona që parandalojnë përmbytjet rreth lumit dhe sigurojnë ujë të pastër. Ato përmbajnë sasi të mëdha të oksigjenit  - diçka që është shumë e rëndësishme për evitimin e ndryshimeve klimatike – shtojnë nga organizata ekologjike.