Jean-Claude Juncker e dha Malin e zi si shembull për zgjidhjen e kundërshtimeve
Në kuadrin e vizitës së vet në Ballkanin Perëndimor Kryetari i Komisionit Evropian Jean-Claude Juncker i bëri thirrje Kosovës për ta ratifikuar Marrëveshjen për kufirin me Malin e Zi dhe t’i përmirësojë marrëdhëniet me Serbinë. Marrëveshja për kufirin me Malin e Zi është një prej kushteve për udhëtime pa viza të shtetasve të Kosovës në Zonën e Shengenit. Juncker tha gjithashtu se “lidhjet midis Kosovës dhe Serbisë janë me rëndësi të madhe” për integrimin e tyre evropian. Para kësaj në Beograd ai i bëri thirrje Serbisë për ta zgjidhur kundërshtimet territoriale me Kosovën. Mirëpo, Mali i Zi meriton për të marrë komplimente për vullnetin e madh të shtetit për aderim në BE. “Për më pak se 12 vjet ju kaluat një rrugë të vështirë” – i lavdëroi malazezët Juncker dhe rikujtoi se shteti i vogël ballkanik është anëtar i OKB-së, FMN-së, OBT-së, kurse nga viti i kaluar, edhe i NATO-s.
Një protestë në Shkup hodhi poshtë një kompromis për emrin e Maqedonisë
Disa mijë veta protestuan në Shkup me thirrje ndaj qeverisë për t’u tërhequr nga bisedimet me Greqinë për zgjidhjen e debatit shumëvjeçar për emrin e Maqedonisë. Demonstruesit kaluan që nga kisha kryesore ortodokse në Shkup afër Zyrës së BE-së, duke thirrur “Maqedonia!” dhe duke valëvitur flamujt kombëtarë, ndërsa një grup prej tyre e ndezi flamurin grek para Parlamentit. Në bisedimet në fjalë pala greke ripohoi se emri i fqinjit verior supozon pretenca territoriale ndaj regjionit grek Maqedonia, kurse pala maqedonase shprehu gatishmëri për ta ndryshuar emrin. Propozimet për emrin e ri janë Republika e Maqedonisë së Veriut, Republika e Maqedonisë së Sipërme. Republika e Maqedonisë së Vardarit dhe Republika e Maqedonisë (Shkupi).
Greqia lehtësoi kontrollin e kapitalit para daljes nga programi shpëtimtar
Qeveria greke lehtësoi kontrollin e kapitalit i cili u imponua gjatë verës së vitit 2015, kur e ardhmja e vendit në eurozonë ishte nën pikëpyetje. Ministria e Financave në Athinë deklaroi se e rrit tavanin për heqjen e parave nga 1800 euro në 2300 euro në muaj dhe u lejoi grekëve për të hapur llogari të reja bankare pa kufizime për herë të parë në verën e vitit 2005. Inspektorët e institucioneve evropiane dhe të FMN-së ndodhen në Athinë për kontrollin e fundit para skadimit të programit shpëtimtar gjatë gushtit.
Një përfaqësues i OKB-së shprehu shqetësime lidhur me pohimet për tortura në Turqi
Nils Melzer, raportues i posaçëm i OKB-së për çështjet e torturave, deklaroi se është i shqetësuar për pohimet se ka njerëz të arrestuar për dyshime se kanë pasur lidhje me predikuesin Fethullah Gjulen, i cili aktualisht banon në SHBA, ose me rebelët turq, për të cilët persona supozohet se i kanë pyetur, duke përdorur teknika të papranueshme, si rrahje, elektroshok dhe kërcënime. Sipas fjalëve të Melzerit “duket se nuk janë marrë masa serioze nga autoritetet për hetimin e këtyre pohimeve, ose për kërkimin e përgjegjësisë nga keqbërësit.” Turqia e akuzon Gjulenin se ka organizuar provën për grushtin e shtetit, i cili u dështua gjatë vitit 2016. Predikuesi i hodhi poshtë këto akuzime.
Autoritetet shqiptare sekuestruan 613 kg kokainë kolumbiane
Policia e Shqipërisë kapi 613 kg kokainë të fshehur në një kontenier bananesh nga Kolumbia. Kjo është sasia më e madhe e narkotikëve e ardhur ndonjëherë në Shqipëri. Shteti është vendosur nën presion për ta forcuar luftimin e korrupsionit, kriminalitetit të organizuar dhe trafikimit të narkotikëve, që të mund të aderohet me BE-në. Lënda narkotike ka mbërritur në portin e Durrësit nga Kolumbia, duke kaluar përmes Italisë dhe Maltës para dhjetë ditësh, ndërsa organet e rendit e kanë kontrolluar nga afër. Vlera e kokainës në treg arrin në 180 milionë euro.
Përpiloi: Miglena Ivanova
Përgatiti në shqip: Vesella Mançeva
Ndryshe nga pritshmëritë, udhëheqësit evropianë nuk arritën një konsensus mbi katër kandidatët kryesorë për postet kryesore të BE-së në takimin e tyre të hënën e kaluar. Megjithatë, ka të ngjarë që kjo të ndodhë në takimin e tyre të rregullt të enjten..
Kuzhina bullgare renditet e 14-ta nga të gjitha kuzhinat kombëtare në Evropë në renditjen prestigjioze të faqes së specializuar të kuzhinës TasteAtlas, njoftoi BNR Varna. Renditja bëhet çdo vit në bazë të vlerësimit nga përdoruesit e faqes. Bullgaria..
Të dielën e tetë pas Ngjalljes së Krishtit, ne kremtojmë një nga festat më të rëndësishme për mësimin e krishterë, Rrëshajën. Në këtë ditë, Fryma e Shenjtë - Personi i Tretë i Trinisë së Shenjtë - zbret në tokë për t'iu shfaqur dymbëdhjetë apostujve,..
Në Bullgari ka 5257 vendbanime, sipas regjistrit të Institutit Kombëtar të Statistikave nga viti 2021. Prej tyre, afro 5000 janë vendbanime të vogla, por..
Specialistë të gjuhës bullgare nga 32 vende nga tre kontinente marrin pjesë në seminarin trejavor për gjuhën dhe kulturën bullgare, i cili filloi sot në..