Në vigjiljen e ditës më të trishtuar të Javës së Madhe (Të Premtes së Madhe) Kori Filarmonik dhe Filarmonia e Sofjes do të prezantojnë “Rekuiemin” e Xhzepe Verdit – një nga veprat emblematike të këtij kompozitori. Ideja e për këtë krijim lindi në vitin 1868, pas vdekjes së Xhoakino Rosinit. Me iniciativën e Verdit disa nga kompozitorët më të mëdhenj italianë u bashkuan për të krijuar një meshë përkujtimore, kushtuar kolegut të tyre të madh. Por vepra nuk doli në skenë. Pas kësaj Verdi vendosi të krijojë një “Rekuiem” të vet në kujtim të Rosinit. Një shtysë serioze për përfundimin e punës mbi të ishte lajmi për vdekjen e shkrimtarit Alesandro Mandzoni, ndaj të cilin Verdi ka pasur respekt të madh. Tek ne vepra është interpretuar shumë herë nga muzikantë dhe këngëtarë të ndryshëm.
Më shumë hollësi për performancën më 5 prill në sallën e kryeqytetit “Bullgaria” mësojmë nga dirigjenti Najden Todorov:
“Për këtë koncert e zgjodhëm mbrëmjen e së enjtes dhe arsyeja është E Premtja e Madhe. “Rekuiemi” i Verdit, përveç se është një vepër i mrekullueshëm, e predispozon dëgjuesin për reflektim – për jetën tonë, për mënyrën, në të cilën mund ta ndryshojmë atë për ta bërë më të mirë, për vlerën e secilit prej veprimeve tona dhe për pasqyrimin e tyre mbi ne dhe mbi njerëzit përreth. Secili prej nesh e ka arsyen e vet, motivin personal për bilanc shpirtëror. Posaçërisht në ditët para Pashkës. Vetë “Rekuiemi” duhet të prezantohet pikërisht në këto ditë të vitit dhe jam shumë i lumtur se e përfshimë në programin tonë pikërisht në kohën e duhur.”
Sipas Maestros Todorov ekipi është një kombinim i mrekullueshëm prej orkestrës, korit dhe solistëve të famshëm:
“Ka njerëz, me të cilët jam takuar në punë dhe të cilëve u besoj shumë në rastet, kur nuk kam përvojë të drejtpërdrejtë personale. Kështu zgjodha solistët për veprën e Verdit. Bashkë me disa prej tyre tashmë kam qenë në një skenë. Për mua gjithmonë është kënaqësi të punoj me sopranon Maria Cvetkova. Solistja tjetër Veselina Kacarova s’ka nevojë për prezantim. Por për mua kjo është hera e parë, në të cilën punoj me të. Akoma pas provës së parë isha mahnitur nga dhe i lumtur me këtë që e dëgjova dhe e përjetova bashkë me të . Ajo është jo vetëm një këngëtare e përsosur, por me të punohet me lehtësi dhe kjo është me rëndësi për secilin dirigjent. Publiku do të dëgjojë si solist dhe tenorin Mario Melanini – një nga këngëtarët më të mirë italianë, me të cilët jam takuar. Gjithmonë kur kam mundësi zgjedh të punoj me të. E vlerësoj lartë jo vetëm për shkak të zërit të tij të shkëlqyer, por edhe për shkak të dijeve dhe aftësive të tij në fushën e muzikës vokale. Ai jo vetëm se ka dhunti, ai di se si t’i përdorë ato. Për sa u përket artistin tjetër Siril Roveri dhe zërin e tij bas – ai është një emër, të cilin e kisha parë shpesh në afishet e teatrove të mëdha operistike jashtë Bullgarisë. I besova rekomandimit të Veselina Kacarovës dhe jam i bindur se zgjedhja është e mirë. Për sa i përket Korit Filarmonik Kombëtar, më duket se vepra është shkruar posaçërisht për të. Jam i kënaqur se punoj përsëri me Filarmoninë e Sofjes – një nga orkestrat e mi më të preferuar. Muzikantët e saj sikur lexojnë mendimet dhe ndjenjat e mia.”
Përgatiti në shqip: Jordanka Ivanova
Foto: arkiv
Për të gjashtin vit radhazi, fshati malor Debnevo në rajonin e qytetit Trojan po pret Festivalin Ndërkombëtar të Muzikës dhe Artit Jam on the River. Veprimtaria, e cila mbledh shumë muzikantë të huaj dhe vendas, mbahet nga data 31 korrik deri më 3..
Dueti “Chaz\'n\'Byanka” regjistroi një këngë të re. Në "Një hap më afër", këngëtarëve Ljubomir Bojanov dhe Vasilina Bjankova iu bashkua Daniell Petrov, i njohur nga grupi “Taking Heed”. Pas krijimit të kësaj kënge qëndron një histori e vërtetë..
Një nga këngët pjesëmarrëse në Konkursin "Burgas dhe Deti" 2024 është "Ti më premtove" në interpretim të Ansamblit Vokal “HighLight”. Në të u mblodhën 20 këngëtarë të rinj të talentuar nga HighLight Singing Academy. Disa prej tyre tashmë janë fitues..
I riu Cvetelin Nakov është shumë i emocionuar duke na ofruar këngën e tij të parë "Mos ik". Në përputhje me stilin e tij emocial, Rafi Zhamakorcjan..
Lyrra është pseudonimi artistik i këngëtares së re Ljubomira Pavllova. Para se të fillonte të performonte si artiste e pavarur, ajo fitoi famë nga..