Një selfi me Mona Lizën është hiti ndër turistët botërorë, të cilët vizitojnë muzeun Luver të Parisit dhe magjepsen nga buzëqeshja enigmatike e kryeveprës së Leonardos. Para disa dekadash reaksionet ishin thjesht një shikim më i thelluar, por sot mania për selfi me kryeveprën e piktorit të madh po përhapet gjithnjë e më shumë. Fotografi Nikolla Mihov, i cili banon dhe punon në Sofje dhe Paris, i ka kushtuar 4 vjet prej punës së vet kësaj manie.

“Turistët po bëhen gjithnjë e më të ekzaltuar, ndryshon pamja e tyre – evropianë, amerikanë dhe kohët e fundit – aziatikë, gjë që ndoshta është një pasqyrim i kontekstit ekonomik. Për këtë projekt po frymëzohem nga estetika e kuadrove të turistëve. Në çdo një prej fotografive mund të shihen pjesë këmbe, dore, veshi dhe kjo është pjesë e atmosferës së tërësishme” – thotë fotografi Nikolla Mihov.

Ekspozita “Liza ime” mund të shihet deri më 2 maj në galerinë Synthesis në Sofje.