Radioja Kombëtare Bullgare © 2021 Të gjitha të drejtat janë të rezervuara

Takim i mediave publike të Evropës Juglindore në Pravec me pjesëmarrje shqiptare

{ include file="./partials/authors.html" } БНР Новини
Mentor Shala – Drejtori i Përgjithshëm i Radio Televizionit të Kosovës

Më 17 maj krahas Samitit historik në Sofje BE-Ballkani Perëndimor, në qytetin Pravec u zhvillua një takim tjetër i organizuar me iniciativë të Radios Kombëtare Bullgare dhe me bashkëpunimin e Bashkimit Evropian të Radio-Televizioneve (EBU), në të cilin morën pjesë radio dhe televizione nga Evropa Juglindore – Shqipëria, Kosova, Bosnja e Hercegovina, Greqia, Maqedonia, Rumania, Sllovenia, Serbia, Turqia, Kroacia dhe Mali i Zi. Tërë aktiviteti u zhvillua nga 16 deri më 18 maj. Bullgaria u prezantua nga drejtorët e përgjithshëm të Radios Kombëtare Bullgare /BNR/ dhe të Televizionit Kombëtar Bullgar /BNT/ Aleksandër Velev dhe Konstantin Kamenarov. Në takim ishte i pranishëm edhe kryetari i EBU Noel Curran.

Gjatë takimit u shqyrtuan çështje strategjike të lidhura me pavarësinë, financimin dhe misionin e mediave publike në kontekstin e perspektivës së përbashkët evropiane të regjionit. U diskutuan gjithashtu projekte për bashkëpunim midis mediave dhe më konkretisht të tilla që kanë të bëjnë me përkrahjen e mediave të Ballkanit Perëndimor. Në fakt me këtë takim po rimëkëmbet tradita e zhvillimit të takimeve vjetore të mediave publike ballkanike. Ato të fundit në këtë format u zhvilluan në Halkidiki në vitin 1998, në Brashov në vitin 1999 dhe në Antalia në vitin 2000. “Ne kemi trashëgimi të përbashkët, kulturë dhe histori të pasur, por edhe kujtime të dhimbshme nga shumë konflikte. Si media publike ne kemi misionin e rëndësishëm për të mirëmbajtur stabilitetin, paqen dhe demokracinë në shoqëritë tona dhe në regjionin tonë” – vuri në dukje në fjalimin e vet Drejtori i Përgjithshëm i Radios Kombëtare Bullgare Aleksandër Velev. 

Për problemet dhe sfidat para mediave kombëtare para mikrofonit të Radio Bullgarisë folën përfaqësuesit e Kosovës dhe të Shqipërisë: z. Mentor Shala – Drejtori i Përgjithshëm i Radio Televizionit të Kosovës dhe z. Kleart Duraj – Drejtor i Marrëdhënieve me Jashtë në Radio Televizionin Shqiptar.

Problemi i financimit, modernizimi i mediave, digjitalizimi, tërheqja e profesionistëve më të mirë, thithja e audiencave të reja, prezenca gjithnjë e madhe në rrjetet sociale, shtimi i numrit të transmetimeve në satelite – këto ishin disa prej problemeve dhe sfidave të përmendura nga bashkëfolësit tanë në mediat e Shqipërisë dhe të Kosovës. Edhe të dy miqtë ishin kategorikë se ka liri të fjalës në mediat e vendeve të tyre, ndërsa zoti Shala komentoi se duhet të flasim më tepër për profesionalizmin e mediave dhe jo për lirinë e tyre, gjë që është e dukshme. Të dy bashkëbiseduesit tanë e vunë theksin te shumëllojshmëria gjuhësore e programeve të tyre: “Radio Televizioni i Kosovës që nga themelimi i vet është radiotelevizion multilingual. RTK-ja prodhon programe në gjuhët e të gjitha komuniteteve që jetojnë në Kosovë, si në radio, ashtu dhe në televizion. Në Televizionin e Kosovës ne prodhojmë program për tetë komunitete në gjuhën shqipe, gjuhën serbe, gjuhën turke, gjuhën rome, gjuhën boshnjake, gjuhën malazeze, për komunitetin egjiptas, për komunitetin goran. E them me mburrje se ne jemi i vetmi televizion në botë që transmeton lajme çdo ditë në gjuhën rome” – vuri në dukje zoti Shala.





Kleart Duraj – Drejtor i Marrëdhënieve me Jashtë në Radio Televizionin Shqiptar

Ne kemi një kanal që transmeton në gjuhët e të gjitha pakicave në Shqipëri. Për momentin kemi duke transmetuar edicione informative, por dje kemi pasur biseda me Drejtorin e Përgjithshëm të Radios Kombëtare Bullgare dhe me atë të Televizionit Kombëtar Bullgar, ku i kemi kërkuar që të na vënë në dispozicion programe të ndryshme në gjuhën bullgare në mënyrë që t’i transmetojmë ato për pakicat bullgare që jetojnë në Shqipëri” – tha nga ana e vet zoti Duraj. 





Foto: Ani Petrova

Më shumë nga rubrika

Violeta Egan dhe Nicole Gancheva Contreras  para bustit të Sirak Skitnik në Radion Kombëtare Bullgare

Bullgaria si një “destinacion veror” për fëmijët bullgarë të lindur jashtë shtetit

Për shumë fëmijë bullgarë të lindur jashtë shtetit që prej vitesh Bullgaria është e kthyer në një “destinacion veror”. Ata e frekuentojnë atdheun e prindërve kryesisht gjatë verës, në kohën e pushimeve. Violeta Egan dhe Nicole Gancheva Contreras..

botuar më 21-08-05 1.49.MD

Po ulet numri i njerëzve që dëshirojnë të votojnë po të ketë zgjedhje të treta parlamentare në vend

Partia e Sllavi Trifonovit "Ka një popull të tillë" (ITN) po rrit elektoratin e saj kundejt koalicionit GERB - SDS, sipas sondazhit të fundit të “Market Links” të porositur nga bTV. Sondazhi u zhvillua në periudhën midis 21-28 korrikut. Në rast të..

botuar më 21-08-05 11.10.PD

Të vaksinuarit apo të shëruarit – kush ka imunitet më të fortë?

Është vështirë të gjeni punonjës mjekësorë, të cilët janë kundër vaksinimit. Megjithatë, kur vaksinimi "me çdo kusht" është në kundërshtim me rregullin bazë "mbi të gjitha nuk dëmton", situata ndryshon. Për momentin, bota po flet përsëri për një..

botuar më 21-08-05 9.45.PD