Më 21 mai në skenën THEATRO në kryeqytet katër ansamble të shquara vokale do të ekzekutojnë vepra të ndryshme të akademikut Nikollaj Kaufman. Muzikologu i njohur, i cili ishte folklorist dhe kompozitor, ndërroi jetën në fund të muajit mars sivjet. Në koncertin kushtuar Nikollaj Kaufmanit do të dëgjojmë “Misterin e zërave bullgarë”, korin “Vanja Moneva”, “Te Deum Adoramus” dhe kuartetin “Svetogllas”.
Ndër organizatorët është Mitko Damov – me profesion stilist, mik i afërt i familjes Kaufman dhe adhurues i zjarrtë i veprimtarisë së akademikut të madh bullgar. “E pata kënaqësinë ta njihja nga afër këtë person të madh. Gjatë viteve të fundit shpesh takoheshim dhe flitnim për muzikë, për kulturë... Pas vdekjes së tij vendosa se ne duhet të bënim diçka të rëndësishme për nder të tij” – janë fjalët e Mitko Damovit.
Koncerti kushtuar akademikut Kaufman është vetëm hapi i parë. Me ndihmën e familjes së tij, zoti Damov ka themeluar një fondacion, i cili e mban emrin e shkencëtarit të shquar. “Planifikojmë të prezantojmë para publikut vepra të panjohura të kompozitorit. Punimet e tij shkencore do të mblidhen në disa vëllime. Do të organizojmë gjithashtu atelie kreative, në të cilat do të ftojmë për pedagogë këngëtarë të mëdhenj të së kaluarës së afërt – ata do t’i ndihmojnë ekzekutuesit e rinj me përvojën e tyre të grumbulluar gjatë viteve. Kemi akoma shumë ide të tjera” – shpjegoi Mitko Damovi.
Përgatiti në shqip: Jordanka Ivanova
Mbrëmjen e sotme në fshatin Kërpaçevo, rajoni i qytetit Lloveç, hapet festivali i dhjetë “Xhazi nën yjet e Pllajës Devetashko”, i cili vazhdon deri të dielën. Festivali mbledh muzikantë të njohur bullgarë në skenën e hapur të livadhit pranë shpellës..
Këngëtari në zë Grafa më 28 qershor nis “Turneun më të lumtur” me një koncert në Teatrin Veror në qytetin Stara Zagora. Në thelbin e turneut të madh veror të Vlladi Ampov – Grafa, është koncepti i koncertit të tij spektakolar në Stadiumin Kombëtar..
Kemi të paktën “100 arsye” për ta dashuruar Maria Ilievën, e cila e priti verën me një turne të ri me të njëjtin emër. Në serinë e koncerteve, që nisi më 21 qershor në Stara Zagora,ylli i muzikës bullgare pop performon si hitet e saj më të mëdha,..