Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Koncerte dhe seminare në Sofje të “Gundecha Brothers” – mbajtësit modernë të traditës së lashtë indiane

БНР Новини
Foto: sofiaphilharmonic.com

Më 19 qershor në sallën e kryeqytetit “Bullgaria” do të mbahet koncerti i “Gundecha Brothers”. Ata janë përfaqësues të shquar të dhrupadit – stili më i lashtë i muzikës klasike indiane, i cili ekziston edhe sot e kësaj dite dhe ruhet në llojin e tij origjinal. Këngëtarët e shquar origjinalë Umakant dhe Ramakant Gundecha kanë zëra shumë të bukur. Në saje të arsimit të tyre ata i kanë zhvilluar aftësitë e tyre për të kënduar në një regjistër shumë të ulët. Janë vazhdues të shkollës Dagar, ku tashmë 19 breza mësuesish japin mësime të dhrupadit sipas metodave të sistemit arsimor mijëvjeçar mësues – nxënës (me emrin origjinal guru – shishia parampara). Janë themelues të një instituti në rajonin e Bhopalit, kryeqytetit të shtetit indian Bhopal Madhya Pradesh. Në këtë qytet ata e kanë marrë arsimin e tyre, kurse sot u japin mësime nxënësve nga India dhe mbarë bota. Te ne mbërritën pas një sërë koncertesh dhe seminaresh në Amerikën Veriore dhe në Evropë. Vëllezërit Gundecha e zhvillojnë veprimtarinë e tyre aktive të interpretuesve dhe pedagogëve në dhjetëra vende në Azi, Australi, Afrikë..

Në skenë bashkë me Umakantin dhe Ramakant Gundechën janë edhe muzikantët e tanpurës dhe pakhavaxhit. Këto vegla të lashta muzikore janë gjithashtu pjesë e traditës dhrupad. Sipas përshkrimit tanpura është një vegël muzikore me tela, që ka tingëllim, vibracione dhe harmoni, të cilat janë shumë të afërta me ato të zërit të njeriut dhe të qendrave energjetike të trupit të njeriut. Konstruksioni i saj ngjan shumë me një vegël tjetër muzikore – sitarin. Pakhavanxh është një vegël me perkusion, e cila është unikale, sepse mund të prodhojë një tingull të thellë rezonues, i cili t’i përgjigjet natyrës dhe funksionalitetit të stilit të lashtë.

Për pakhavaxhin ka shumë legjenda. Njëra prej tyre tregon për një mësues të famshëm të pakhavaxhit. Njëri prej nxënësve të tij ishte shumë i pakujdesshëm. Një ditë mësuesi u zemërua shumë dhe e goditi instrumentin në tokë. Vegla u nda në dy pjesë – një të madhe dhe një të vogël. Nxënësi ishte dembel, por dinak. Ai i vendosi dy pjesët para vetes dhe kështu lindi tabla – një instrument tjetër muzikor i traditës klasike të Indisë. Dhrupadi mund të ekzekutohet nga pothuaj të gjitha veglat muzikore me tela dhe madje nga saksofoni. Mirëpo, harmoniumi, i cili është pjesë e instrumenatariumit tradicional indian, është i paaplikueshëm për shkak të faktit se është me tone me një lartësi të veçantë. Një prej veçorive të stilit të lashtë që prezantohet nga “Gundecha Brothers”, është përdorimi i të ashtuquajturave “mikrotone” (ato janë më të vegla nga një çerek toni).


Ditën pas koncertit në Sofje (më 20 qershor), interpretuesit do të zhvillojnë një seminar në sallën në rrugën “Rakovski” 108. Atje do të zbulohen teknikat, nëpërmjet të cilave interpretuesi i dhrupadit ruan energjinë dhe jetëgjatësinë e zërit të tij. Pas kësaj do të ketë takime me publikun në Plovdiv (më 21 qershor) dhe në Varna (më 24 qershor – një koncert dhe një seminar). Ngjarjet janë pjesë e shënimit të Ditës Ndërkombëtare të Jogës në Bullgari. Organizatorët janë Ambasada e Republikës së Indisë te ne dhe Fondacioni i Indologjisë “Lindja – Perëndimi”.

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Dimitër Karamitev: Fyelli bullgar është më i pasuri me ornamente – përmes tij flet shpirti i madh i popullit tonë

"Fyelli është një instrument që ka tingëlluar gjithmonë rreth meje që nga fëmijëria. Mbaj mend mbledhjet familjare në Stara Zagora çdo të shtunë, në ditë me raste dhe në ditë pa raste, dhe atëherë gjithmonë këndohej" - ja çfarë na tregon Dimitër..

botuar më 24-07-14 11.05.PD
Jordanka Hristova

"Kënga ime, dashuria ime"

Kompozitori Josif Cankov, i cili ka punuar nga fillimi i viteve 1930 deri në vitin 1971, jo rastësisht quhet Patriarku i muzikës bullgare. Ai është autor i mbi 500 veprave - opereta, tanga, hite, muzikë për filma, me të cilat me dekada ka..

botuar më 24-07-12 8.40.PD

Legjendat e rock-ut nga DEEP PURPLE, MR. BIG dhe ACCEPT janë të ftuar specialë në Festivalin në Luginën e Verës

Në skenën e madhe të edicionit të katërt të "Midalidare - Rock in the Wine Valley" nga data 12 deri në 14 korrik në fshatin Mogillovo, përkrah titullarëve DEEP PURPLE, MR. BIG dhe ACCEPT do të kenë shfaqje akoma 13 grupe nga jashtë, duke përfshirë..

botuar më 24-07-12 6.25.PD