David, Emo, Kalina dhe Eva janë fëmijët, të cilët fituan popullaritet në Fecebook në sajë të një kauze fisnike. Për ditë të numëruara iniciativa e tyre të grumbullojnë para për një nga strehimoret e qenve në afërsi të Sofjes fitoi shumë përkrahës dhe u zbulua nga më se 150 mijë njerëz. Ata fëmijë njihen vetëm nga 3 muaj, por ideja të bëjnë bamirësi lindi papritmas:
“Gjithçka filloi një mbrëmje, kur punuam tablo dhe sende të ndryshme të cilat i vendosëm të shesim. Dhe pasi të gjithë pëlqejmë qentë lindi ideja që kjo të jetë me qëllim bamirës. Edhe herë të tjera i kemi ndihmuar kafshë në fatkeqësi. Jo me para, kryesisht me ushqim për qentë endacakë” – tregon Davidi i cili është 12 vjeçar.
Strehimorja, të cilën fëmijët vendosën ta ndihmojnë, ndodhet në fshatin Gorni Bogrov. Ajo nisi të funksionojë në vitin 2012 dhe është me kapacitet për 840 qenë endacakë. Megjithë përpjekjet e shtetit dhe të vullnetarëve, megjithë uljen e numrit të qenve endacakë, numri i tyre akoma mbetet i lartë. Nuk mjaftojnë paratë.
“Një shoqe, e cila e frekuentoi strehimoren, tha, se situata aty është e mjerë – shpjegon Vanja, nëna e Davidit. – Prandaj vendosëm t’u ndihmojmë, të paktën qenve. Kemi ide që përveç ushqimit të domosdoshëm të blejmë ilaçe dhe vaksina, të sigurojmë ndihmë mjekësore për qentë që kanë nevojë.”
Tregu i improvizuar i fëmijëve është në lagjen e kryeqytetit “Ljulin”. Me çmime simbolike aty mund të blihen lodra fëmijësh, libra, stoli dhe sende të tjera interesante.
“Njerëzit blejnë kryesisht sendet e punuara prej neve – tablo, figura prej plasteline. Filluan të pasurojnë asortimentin tonë duke na sjellë edhe sende të tyre – lodra të ruajtura, shishe të pikturuara, stoli etj. Njerëzit na përkrahin dhe thonë fjalë të mira për ne, dëshirojnë të takohemi. Edhe erdhën njerëz që nga Londra për të takuar me ne. Ata mësuan nga Facebook-u për aktivitetin tonë bamirës.”
Doemos përkrahjen më të madhe David, Emo, Kalina dhe Eva marrin nga prindërit.
“Në fillim u befasuam – shpjegon nëna e Davidit. – Mirëpo, pas kësaj u gëzuam, sepse fëmijët tanë kishin dëshirë të ndihmojnë. Kjo është një kauzë e mirë, gjë që na provokoi të ndihmojmë edhe ne me çfarë kemi mundësi. Çdo nënë dhuroi diçka, blejmë atë për të cilën fëmijët kanë nevojë për të punuar sendet e tyre. Kështu që mund të them se ata e kanë përkrahjen tonë.”
“Asnjeri nuk priste se do të fitojmë një popullaritet të tillë aq të madhe” – me buzëqeshje të pa fshehur shpjegon Davidi.
Nisma do të vazhdojë deri në fund të verës. Secili që ka dëshirë të japë ndihmën e vet mund të blejë diçka nga tregu i improvizuar të katër miqve. Fëmijët premtojnë, se çdo qindarkë do të jetë për strehimoren në fshatin Gorni Bogrov.
Përgatiti në shqip: Svetllana Dimitrova
Foto: Desisllava Semkovska dhe arkiv personal
Bullgaria po bëhet gjithnjë e më shumë pjesë e dinamikës së përgjithshme të ndryshimit të vendndodhjes së qytetarëve evropianë. Nuk ka vende evropiane jo mikpritëse, por është çështje e politikave dhe interesave të ndryshme të bullgarëve, thekson..
“Moda në pasqyrën e një shekulli – nga mesi i shekullit të XIX-të deri në mesin e shekullit të XX-të” – me këtë titull, Agjencia Shtetërore “Arkivat” prezanton në një ekspozitë me mbi 120 foto dhe artefakte origjinale ndryshimin e veshjeve dhe..
Madje produktet më të zakonshme që përdorim në jetën tonë të përditshme janë rezultat i proceseve dhe trajtimeve komplekse, materialet e përdorura në të cilat mund të jenë të dëmshme për shëndetin tonë. Kjo vlen më së shumti për kozmetikën. Çfarë po..
Konferenca e vjetore Ndërkombëtare e Institutit të Gjuhës Bullgare “Prof. Ljubomir Andrejçin” pranë Akademisë Bullgare të Shkencave do të mbahet më 15..
Diku në rrëzë të Rodopeve Lindore, vetëm 100 metra nga kufiri ynë me Greqinë, ndodhet fshati Kushlla. Jo shumë kohë më parë - në vitet 1970 - popullsia e..
Madje produktet më të zakonshme që përdorim në jetën tonë të përditshme janë rezultat i proceseve dhe trajtimeve komplekse, materialet e përdorura në të..