Klubi bullgar i futbollit “Ludogorets” i siguroi vetes vend në “play-off”-in e Ligës së Evropës pas barazisë 1:1 me skuadrën boshnjake Zrinjski Mostar. Bullgarët fituan ndeshjen e parë me të në Sofje me 1:0 dhe kështu rezultati, me të cilin eliminuan “Zrinjskin” është 2:1.

Në etapën tjetër të turneut, e cila do të jetë e fundit para fazës grupore, “Ludogorets” do të luajë kundër kampionit të Gjeorgjisë – “Torpedio” (Kutaisi), që humbi ndeshjen e zhvilluar në Shqipëri kundër “Kukësit” (0:2), por rezultati i përbashkët 5:4 në favor të gjeorgjianëve u siguroi atyre vend në etapën tjetër.

Skuadra tjetër bullgare CSKA përfundoi pjesëmarrjen e saj për këtë sezon, pasi humbi ndeshjen e dytë kundër KF “Kopenhagen” me 1:2 në raundin e tretë paraprak të Ligës së Evropës dhe rezultati i përbashkët kundër danezëve u bë 2:4. Kështu CSKA-ja nuk arriti të fitojë të drejtën të vazhdojë pjesëmarrjen në Ligën e Evropës.