Sipas të dhënave të Agjencisë për Ndihmë Sociale në Bullgari janë regjistruar 1068 njerëz të pastrehë. Në Sofje ata janë mbi 500. Për ta gjatë gjithë vitit në kryeqytet punojnë 3 qendra për strehim të përkohshëm, por jo çdo një nga këta njerëz është dakord ose ka mundësi të përfitojë nga shërbimet e tyre, edhe në muajt më të ftohtë të dimrit. “Gjithmonë jam çuditur sesi këta njerëz e përballojnë situatën, si jetojnë në përgjithësi”– tregon Martin Martinov, pronar i restorantit “Gambrinus” i cili nga data 1 nëntor deri më 31 mars do të sigurojë darkë të ngrohtë për njerëzit, të cilët nuk kanë shtëpi.
Veprimtaria “Zgjate dorën” zhvillohet për herë të parë dhe lindi në mënyrë krejtësisht spontane:
“Kjo iniciativë bamirëse erdhi nga zemra ime – thotë Martin Martinov. Çdo dimër, prej mjaft viteve e këtej, unë mendoj për këta, të cilët jetojnë në rrugë. Mes tyre ka të tillë, të cilët kanë mbetur pa strehë për shkak të ndonjë gabimi, të cilin e kanë bërë dhe nga i cili ka përfituar ndonjë tjetër. Ka njerëz shumë inteligjentë midis tyre, ka dhe të arsimuar. Shpresoj që me këtë fushatë jo të japim shembull, por t’i intrigojmë dhe t’i shtyjmë dhe qytetarët e tjerë të fillojnë të ndihmojnë.”
Për një kohë të shkurtër postimi i Martin Martinov në Facebook është i ndarë prej mijëra njerëzve, tanimë janë marrë dhurimet e para dhe janë regjistruar vullnetarët e parë. Çdo një i cili ka dëshirë mund të ndihmojë për kauzën bamirëse duke sjellë produkte të paketuara, për shembull fasule, oriz, makarona ose konserva në afat skadimi, kurse pas 1 nëntorit fruta, perime, mish me certifikatën përkatëse për prejardhje.
“Nuk pranojmë para – saktëson Martin Martinov. Kur mblidhen para në bazë të llogarisë, ka spekulime të shumta, prandaj ai i cili merr vendimin të ndihmojë, ta bëjë me produkte ose punë. Nuk ka rëndësi nëse njeriu do të ndajë 10 ose 100 leva, me rëndësi është dëshira. Puna e vullnetarëve është në kuadrin e 1-2 orëve në ditë - të përgatisin perimet për përgatitjen e ushqimit dhe pas kësaj ta shpërndajnë.”
Restoranti është gati të sigurojë ushqim të ngrohtë për 50-100 veta, por edhe sikur të vijnë më tepër, do të bëjmë çdo gjë të mundur të mos të ketë njerëz të kthyer – është kategorik Martin Martinov. Nga ora 17 deri në orën 18 çdo ditë pune njerëzit pa strehë do të marrin një darkë të paketuar në kuti për përdorim të njëhershëm në të cilën do të jetë e përfshirë një supë, një gjellë bazë dhe bukë si dhe lugë e pirua. Për natën përpara Krishtlindjes do të organizohet një natë speciale me ushqimin tradicional për këtë ditë, restoranti do të punojë po kështu më 1, 2 dhe 3 janar.
“Mënyra e shpërndarjes së informacionit midis këtyre njerëzve jemi ne - personeli i restorantit, si dhe një djalë, i cili po kështu jeton në rrugë. Ne shpërndajmë fletushka kur shikojmë njeri të pastrehë . Sepse ata nuk mund të informohen nga radioja, televizioni ose Interneti” – sqaron Martin Martinov.
“Zgjate dorën” nuk është iniciativa e parë bamirëse e njeriut të ri. Ai ka mbledhur para për operacione të nevojtarëve, kurse për ditëlindjen e tretë të restorantit më 10 nëntor u ka drejtuar kërkesë të gjithë miqve të tij t’i sjellin peshqeshet e veta nën formën e produkteve për njerëzit e pastrehë.
“Duhet t’i ndihmojmë njëri-tjetrit dhe të jemi më të mirë” – apelon Martin Martinov. Pronari i restorantit, i cili e ka emrin e heroit folklorik evropian, simbol i birës dhe i gëzimit nga jeta, Gambrinus, është i bindur se çdo një prej nesh mund të ndihmojë duke futur pak gëzim dhe ngrohtësi në jetën e njerëzve të pastrehë në Sofje.
Adresa e restorantit “Gambrinus”: Rruga Vlladajska 29
Numri i telefonit për dhurimet dhe vullnetarët: 0877 524464
Përgatiti në shqip: Nataniela Vasileva
Foto: arkiv personal
Ellhovo ndodhet në pjesën juglindore të Ultësirës së Trakisë në mes të një fushe pjellore midis maleve Stranxha dhe Sakar. Një nga lumenjtë më të mëdha në Bullgari - Tunxha - kalon pranë qytetit, dhe në rajon ka 21 fshatra me tokë bujqësore, të cilat..
Festivali i pestë i Peshkut dhe i Verës do të mbahet nga 5 deri më 8 shtator në qytetin tonë bregdetar Burgas. Veprimtaria do t'u ofrojë banorëve dhe mysafirëve të qytetit një shumëllojshmëri prodhimi të kuzhinës dhe verës, një program muzikor dhe..
Nominimet për eurokomisioner bullgar u shpallën në sfondin e zëvendësimit të qeverisë së parë provizore të kryeministrit Dimitër Gllavçev me atë të dytë, në sfondin e një krize të thellë partiake në dy nga forcat politike tradicionale në Bullgari -..
Edhe këtë vit Agjencia Ekzekutive për Bullgarët Jashtë Shtetit do të prezantojë çmimin vjetor "Bullgarja e Vitit - Shën Zllata Mëglenska 2023" në një..