Më shumë se gjysma e mallrave që ofrohen në vargjet e mëdha ushqimore, janë prodhuar në Bullgari. Kjo u bë e qartë nga fjalët e Ministrit të Bujqësisë Rumen Porozhanov. Në tryezën e rrumbullakët me punonjësit në këtë degë ai ia dha start fushatës “Unë i përkrah prodhuesit bullgarë, përkrahi edhe ti!”
Sipas një studimi raporti midis mallrave ushqimore bullgare dhe atyre të importuara, të zhvilluar në pesë prej vargjeve më të mëdha tregtare në Bullgari, ka rritje të konsiderueshme në shitjen e produkteve bullgare. Nga 77 deri në 100 për qind prej bukës së ofruar dhe produkteve të bukës prodhohen te ne, sallamet bullgare janë nga 55 deri në 80 për qind, ndërsa produktet e qumështit janë nga 57 deri në 75 për qind. Bio-produktet e certifikuara gjithashtu shënojnë rritje serioze, vë në dukje Ministri, dhe në një prej dyqaneve më të mëdha ajo arrin 167 për qind.
“Ne jemi të bindur se duhet të punohet direkt me prodhuesit bullgarë – komentoi të dhënat Georgi Gërnevski, përfaqësues i vargut të dyqaneve për tregti me shumicë. – Diçka më tepër, ne u vendosim produkteve bullgare çmime më të larta, sepse cilësia dhe shija janë më të mira. Klientët gjithashtu reagojnë pozitivisht dhe ne tashmë kërkojmë se cila të jetë kategoria tjetër bullgare në dyqanin tonë. Filluam me frytet dhe perimet, pas kësaj shtuam mishin, djathin, peshkun dhe verën, pas disa ditësh do të kemi edhe mjaltë. Do të stimulojmë edhe sektorët me ushqime të përpunuara – konserva, ushqime të ngrira, reçele dhe marmelatë."
Deri në festën e Krishtlindjeve Ministria e Bujqësisë do ta vërë theksin mbi arritjet në sektor, që të jepen dekorata për sukseset e shënuara, nënvizoi në forum Rumen Porozhanov, duke paraqitur të dhënat për tetë muajit e parë të vitit të krahasuara me periudhën e njëjtë të vitit të kaluar.
“Po vëzhgohet një tendencë pozitive në prodhimin e mishit – rritja e çmimit të mishit të bardhë është 18 për qind, ndërsa shtrenjtimi i mishit të kuq është me 8 për qind – bëri të ditur Ministri. – Me 22 për qind është rritur prodhimi i qumështit të freskët të paketuar, i gjalpit – me 18 për qind, i djathit të lopës – me 15 për qind. Ndërkaq, prodhimi i produkteve që i imitojnë yndyrat bimore po pakësohet me 17 për qind në saje të ndryshimeve në rregulloren normative dhe të ndalimit të përdorimit të tyre në ndërmarrjet e prodhimit të qumështit. Sipas të dhënave paraprake gjatë gjysmës së parë të vitit eksporti i mallrave bujqësore është rritur me 13.5 për qind në krahasim me periudhën e njëjtë të vitit të kaluar dhe ka arritur 1.9 mlrd euro. Presim që deri në fund të vitit 2018 ai të tejkalojë 4 mlrd euro.”
Çdo vit livrohen mbi 2 mlrd leva /1 mlrd leva/ në përkrahje të bujqve bullgarë, tha gjithashtu Ministri i Bujqësisë dhe shtoi se financimi vitin tjetër do të balancohet midis çdo një prej degëve, që të ketë rezultate të mira. Fermerët e pranishëm në tryezën e rrumbullakët i përkrahën përpjekjet e Ministrisë. “Bullgaria është lider në Bashkimin Evropian me rritje më të madhe në prodhim – në saje të daljes së një pjese të sektorit nga ekonomia e zezë, bëri të ditur Dimitër Zorov, pronar i një baxhoje dhe Kryetar i Asociacionit të Përpunuesve të Qumështit në Bullgari.
“Shpresojmë se logoja “I përkrahim prodhuesit bullgarë” do të arrijë te të gjithë konsumatorët dhe do të provokojë ndjenjën e tyre kombëtare, sepse produktet tona janë më të shijshme – është i mendimit ai. – Kjo i përket kryesisht kosit bullgar – të lopës dhe të deles, sepse disponojmë ferma shumë cilësore. Presim që edhe vargjet tregtare të provokohen dhe të ofrojnë gjithnjë e më shumë produkte bullgare. Është me rëndësi gjithashtu të edukojmë konsumatorin kështu qe ai të konsumojë produkte cilësore. Me rëndësi është jo sasia e ushqimit, por cilësia e tij.”
Përgatiti në shqip: Vesella Mançeva
Bullgaria do të marrë 65.2 milionë euro nga BE për një projekt për forcimin e rrjetit të transmetimit të energjisë elektrike në mbështetje të integrimit të energjisë së rinovueshme, sipas një deklarate nga Komisioni Evropian. Paratë janë pjesë e një..
Bullgaria mund të hyjë në eurozonë në fillim të vitit 2026. Sipas një studimi të Shoqatës së Tregtarëve të Mallrave Jo-Ushqimore, kjo është periudha reale në të cilën vendi ynë do të mund të përmbushë kriteret për Eurozonën. Sipas sondazhit, 25% e të..
Tregtia e produkteve bujqësore dhe ushqimore mes Bullgarisë dhe Kinës u rrit me mbi 37% në vitin 2023. Këtë e deklaroi ministri i bujqësisë dhe ushqimeve Georgi Tahov në hapjen e Forumit Bullgaro-Kinez të Biznesit në Sofje. Sipas tij, eksporti i..