Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Ambasadorja e re Donika Hoxha: “Shqipëria do të bëhet më e njohur në Bullgari”

Marrëdhëniet politike ndërmjet Bullgarisë dhe Shqipërisë janë të shkëlqyera, por “mendoj që bashkëpunimi ekonomik nuk e reflekton këtë nivel të marrëdhënieve politike ” – pohoi Ambasadorja Donika Hoxha në intervistën e dhënë posaçërisht për “Radio Bullgarinë” disa ditë pas dorëzimit të letrave të saj kredenciale në Presidencë dhe pas pritjes festive të organizuar nga Ambasada me rastin e përvjetorit të 106 të Pavarësisë së Shqipërisë.

Sipas saj si diplomate ajo mund ta ndihmojë më mirë biznesin duke eksploruar rrugë konkrete për intensifikimin e lidhjeve ekonomike dhe duke dëgjuar drejtpërsëdrejti mendimin e “aktorëve të biznesit”. Pikërisht aty do të fokusojë përpjekjet e saj të mëtejshme. “Prandaj një nga takimet e mia të para ishte pikërisht me presidentin e Dhomës së Tregtisë dhe Industrisë së Bullgarisë, por nisur edhe nga pozicioni im i mëparshëm si drejtore e diplomacisë ekonomike” – tha Shkëlqesia e Saj Znj. Donika Hoxha dhe vazhdoi:

Duhet të kemi parasysh se në fillim të viteve 90 Shqipëria iu drejtua Bullgarisë si një nga vendet e para për shkëmbime tregtare, pra nga pikëvështrimi im ka nevojë jo vetëm për rritje të shkëmbimeve tregtare ku duhet punuar shumë, por edhe investime direkte bullgare në Shqipëri, si edhe pjesëmarrje të firmave bullgare në projektet ndërrajonale të ndërlidhjes. Ky është qëllimi kryesor që i kam vënë vetes për të vijuar atë ç‘ka është deri tani edhe për të intensifikuar më shumë nivelin e marrëdhënieve ekonomike.

Një promovim shumë i mirë i Shqipërisë në Bullgari” është çështja tjetër më e rëndësishme sipas Ambasadores Hoxha. Dhe aty do të jenë drejtuar përpjekjet e saj më të mëdha. “Mendoj se duke ndërthurur çdo event me një element promovues, Shqipëria do të bëhet më e njohur”, tha ajo dhe dha si shembull pritjen e Ambasadës shqiptare në Sofje për festën kombëtare, ku të pranishmit patën mundësi të shijojnë pijet tradicionale shqiptare dhe të njihen me bukuritë e Shqipërisë të treguara në disa videoklipe dhe në ekspozitën e vogël të renditur nga vetë Ambasadorja me fotografitë më të mira të konkursit “Colors of Albania”.

Ka një tendencë në rritje për sa u përket vizitorëve shqiptarë në Bullgari dhe atyre bullgarë në Shqipëri. Bullgaria është gjithmonë ndër 15 vendet e para për sa i përket numrit të turistëve me një tendencë në rritje”. Në gjashtëmujorin e parë të 2018 shkëmbimi i vizitave dypalëshe ka qenë në një nivel shumë të mirë, por kjo ka qenë gjithmonë në kuadër të Presidencës Bullgare të Këshillit të Bashkimit Evropian. Qëllimi tani do të jetë që kjo tendencë të ruhet dhe në të gjitha aktivitetet e përbashkëta bullgaro-shqiprate të ketë një element promovimi.

Sigurisht që duke u njohur më mirë të dy vendet, kulturat e të dy popujve, duke rritur kontaktet midis bizneseve dhe investitorëve, kjo do të sjellë si rrjedhojë pozitive edhe rivendosjen e një linjeje ajrore midis Sofjes dhe Tiranës” – mendon zonja Hoxha.

Më shumë hollësira ju ftojmë të mësoni nga intervista.





Foto: Ambasada e Republikës së Shqipërisë në Bullgari

Më shumë nga rubrika

Automjeti luftarak i këmbësorisë amerikane

Kontroll i BNR-së: A po transportohen tanqe përmes territorit tonë në Ukrainë?

Që nga fillimi i luftës në Ukrainë, lëvizja e pajisjeve ushtarake në territorin e Bullgarisë shpesh ka shkaktuar komente dhe deklarata në hapësirën online, lidhur me shqetësimet për përfshirjen e Bullgarisë në veprimet ushtarake. Një vit më parë, për..

botuar më 24-03-27 7.20.PD

Radan Kënev për Parlamentin e ardhshëm Evropian dhe debatin e vonuar evropian në Bullgari

Pak muaj para zgjedhjeve evropiane, të cilat do të mbahen në të gjithë BE-në midis 6 dhe 9 qershorit, dhe në kontekstin e pasigurt politik bullgar, Radan Kënev, eurodeputeti nga grupi PPE (Partia Popullore Evropiane), i zgjedhur nga lista e DB-së..

botuar më 24-03-26 7.30.PD
Kirill Petkov

Kirill Petkov: Marrëveshja është arsyeja e dështimit të negociatave

Drejtuesit e “Po e vazhdojmë ndryshimin – Bulgaria Demokratike” (PP-DB) nuk kanë dalë ende me një koment zyrtar pas vendimit të kandidates për kryeministre të GERB, Maria Gabriel për të hequr dorë nga mandati i saj për të formuar një kabinet, e cila..

botuar më 24-03-25 2.33.MD