Komisioni Evropian i vendosi gjobë me përmasë 77 mln euro “Holdingut Energjetik Bullgar”, shoqërisë së tij bijë për furnizimin e gazit “Bulgargaz” dhe shoqërisë së tij bijë për infrastrukturë gazi “Bulgartransgaz” (i ashtuquajturi grup “BEH”) për bllokimin e aksesit të konkurrentëve tek infrastruktura kyçe e gazit në Bullgari për shkak të shkeljes së rregullave anti-trust të BE-së. Në vendim konstatohet se grupi “BEH” ka monopol si në tregjet për infrastrukturë gazi, ashtu dhe në tregjet për furnizim gazi në Bullgari. Heqja e pengesave para konkurrentëve do ta lejojë tregun bullgar të gazit për të funksionuar në një mënyrë më efektive dhe do t’u sigurojë konsumatorëve çmime më të mira dhe mundësi për t’i zgjedhur furnizuesit e gazit.

Ministrja e Energjetikës Temenuzhka Petkova deklaroi se Bullgaria është në pritje të dorëzimit të vendimit zyrtar të KE-së, me të cilin imponohet gjoba. “Angazhimi për pagimin e gjobës është tre muaj. Gjatë kësaj kohe ne do të bëjmë çmos që të ruajmë interesat tona kombëtare dhe financiare” – vuri në dukje Ministrja.

Znj. Petkova deklaroi se është e gatshme të marrë përgjegjësinë politike për gjobën e imponuar.