Një analizë e Eurostatit për gjendjen shëndetësore të banorëve të 28 vendeve të Bashkimit Evropian (BE) tregon se burrat bullgarë kalojnë 64 vjet prej jetës së tyre me shëndet të mirë, ndërsa gratë në Bullgari – 67,5 vjet. Ndërkaq, jetëgjatësia mesatare me shëndet të mirë në BE është 64.2 vjeç për femrat dhe 63.5 vjeç për meshkujt. Jetëgjatësia me shëndet të mirë përbën përkatësisht rreth 77 dhe 81 për qind prej jetëgjatësisë së burrave dhe grave në BE.
Sipas analizave të statistikës kombëtare afro 88 për qind prej njerëzve në Bullgari e vlerësojnë gjendjen e tyre shëndetësore si “të kënaqshme, ose të mirë”, ose si “shumë të mirë”. 10 për qind e të anketuarve mendojnë se gjendja e tyre shëndetësore është e keqe, ndërsa 2 për qind janë të mendimit se ajo është shumë e keqe. Në grupin e moshës mbi 65 vjeç vlerësim të keq për gjendjen shëndetësore japin afro 30 për qind e të anketuarve, ndërsa vlerësim të mirë – vetëm 1.5 për qind. Vendi në BE me përqindje më të lartë të “viteve të shëndetshme” prej jetës së njeriut është Suedia – 73.3 vjet për femrat dhe 73 – për meshkujt. Në polin tjetër është Letonia, ku njerëzit mund të lavdërohen me më pak vjet në gjendje të mirë shëndetësore, përkatësisht 55 për gratë dhe 52 për burrat. Në vendet e BE-së në përgjithësi 67 për qind e popullsisë në moshën 16 e më shumë vjeç mendon se ka shëndet shumë të mirë, ose të mirë, 33 për qind – të kënaqshme dhe 10 për qind “të keqe, ose shumë të keqe”.
Vetëm para disa muajsh, gjatë tetorit të vitit 2018, një analizë tjetër e Eurostatit konstatoi se Bullgaria është vendi me jetëgjatësi më të ulët në tërë BE-në. Sipas studimit në fjalë derisa jetëgjatësia mesatare e jetës në BE është 81 vjeç, në Bullgari ajo është 74,9 vjeç. “Rekordistë” për nga jetëgjatësia më e ulët në BE janë regjionet në Bullgarinë Veriperëndimore (73,3 vjeç), në krahinën jugperëndimore të vendit (74,4 vjet) dhe në rajonin verior dhe qendror të vendit (74,4 vjet).
Nga krahasimi i dy analizave të statistikës evropiane shihet se bullgarët jetojnë më pak, por relativisht më gjatë me shëndet të mirë.
Përpiloi: Stoimen Pavllov
Përgatiti në shqip: Vesella Mançeva
Ambasada e Francës dhe Instituti Francez në Bullgari, në partneritet me Institutin Polar Francez "Paul-Emile Victor", Institutin Antarktik Bullgar, Universitetin e Sofjes "Shën Kliment Ohridski" dhe Televizionin Kombëtar Bullgar organizojnë një takim..
Bullgarët e Besarabisë janë "pjesë e pandashme e fuqisë kombëtare bullgare, e bashkësisë shpirtërore dhe kulturore bullgare. Ata do të mbeten sepse lidhja mes nesh dhe tyre është e pathyeshme" - shkroi numri i vetëm i gazetës "Besarabia Bullgare",..
Votë inercie. Votë me pikën e fundit të shpresës se nesër çdo gjë do të jetë mirë dhe ne do të takohemi për zgjedhje pas katër vitesh. Një votë inati për politikanët, për ne, për të tjerët që nuk kanë votuar. Qëndrimet janë shumë të ndryshme -..
Para zgjedhjeve presidenciale në SHBA, jo vetëm amerikanët janë të emocionuar. Edhe evropianët po presin me frymë të lodhur rezultatet – a do të..
Zoti i ka dhuruar njeriut cilësinë e madhe - të ëndërrojë, dhe ne ëndërronim që pikërisht këtu, në Muzeun Getty, të dëgjonim në bullgarisht për hapjen e një..
Shpesh thuhet me ironi se njerëzit në Maqedoninë e Veriut marrin nënshtetësinë bullgare vetëm për qëllime egoiste. Prandaj, në regjistrimin e fundit..
Mot i kthjellët
Pjesërisht me re