Përfunduan protestat e emigrantëve në Greqinë Veriore
Pas tri ditëve të përplasjeve me policinë në Greqinë Veriore 60 refugjatët e fundit u larguan nga kampi i tyre i improvizuar. Në fushë të hapur pothuaj 1000 klandestinë qëndronin në vazhdim të tri ditëve duke shpresuar se do të vazhdojnë rrugëtimi e tyre drejt Evropës Qendrore dhe Veriore. Situata u provokua për shkak të njoftimeve të rreme në rrjetet sociale në internet se kufizimet e lëvizjes së tyre janë hequr. Shumica e emigrantëve janë nga Siria, Iraku dhe Afganistani.
Partia e Erdoganit kërkon numërim të dytë të fletëvotimeve në Stamboll
Partia qeverisëse në Turqi – e Drejtësisë dhe Zhvillimit, kërkoi numërim të dytë të fletëvotimeve në Stamboll për zgjedhjet vendore që u zhvilluan më 31 mars. Partia pohon se deri tani janë numëruar vetëm 70% e fletëvotimeve të pavlefshme dhe janë bërë në mënyrë të organizuar parregullsi dhe shkelje. Sipas rezultateve jozyrtare kandidati i opozitës nga Partia Popullore Republikane ka një fitore të ngushtë me 48,79%, derisa Binali Yildirim nga Partia e Drejtësisë dhe Zhvillimit mbetet në vend të dytë me 48,51% prej votave.
Në Beograd u zhvillua protesta e 18-të me radhë kundër Presidentit Vuçiç
Para ndërtesës së qeverisë në Beograd u zhvillua protesta e tetëmbëdhjetë në masë kundër Presidentit Aleksandër Vuçiç. Pjesëmarrësit vendosën gardha rreth godinës së bashkisë, duke brohoritur për dorëheqjen e Presidentit dhe Zëvendëskryetarit të bashkisë së Beogradit. Protesta tjetër do të zhvillohet më 13 prill me moto: “Të gjithë si një”.
G-7 u bëri thirrje Kosovës dhe Serbisë që të normalizojnë marrëdhëniet e tyre
Në samitin e ministrave të punëve të jashtme të shteteve të G7 në Francë pjesëmarrësit u drejtuan një mesazh Serbisë dhe Kosovës – që të angazhohen me arritjen e marrëveshjes gjithëpërfshirëse dhe ligjërisht të detyrueshme. Në samit diplomatët e parë të SHBA-së, Kanadasë, Francës, Gjermanisë, Italisë, Japonisë, Mbretërisë së Bashkuar dhe përfaqësuesi i lartë i BE-së për politikën e jashtme dhe çështjet e sigurisë, pohuan angazhimin e tyre të përbashkët për sigurinë, qëndrueshmërinë, prosperitetin dhe perspektivën evropiane të shteteve të Ballkanit Perëndimor.
Mbi 100 kg. kokainë doli në sipërfaqe në det në rajonin e Konstancës
Dhjetëra paketa me kokainë të pastër ishin nxjerrë nga dallgët në bregun e Detit të Zi afër qytetit rumun Konstanca. Sipas policisë bëhet fjalë për mbi 100 kg. drogë. Që nga fillimi i javës së kaluar në bregdetin rumun zhvillohet operacion i madh policor kundër trafikut të narkotikëve me pjesëmarrjen e më shumë se 300 nëpunësve të policisë, xhandarmerisë dhe forcave doganore. Ndoshta paketat e gjetura me kokainë janë pjesë e partisë që ishte gjetur në fund të muajit të kaluar në deltën e Danubit. Atëherë ishte njoftuar se është gjetur një varkë me një fund të dyfishtë, ku janë transportuar pothuaj 1 ton kokainë me vlerë në tregun e zi mbi 300 mln. euro.
Përpiloi: Stoimen Pavllov
Përgatiti në shqip: Jordanka IvanovaPatriku bullgar dhe Mitropolit i Sofjes Daniill u dërgoi një mesazh për vitin e ri shkollor mësuesve, nxënësve dhe prindërve. Ai do të tingëllojë sot në hapjen e vitit të ri shkollor në të gjitha shkollat në Bullgari. Në mesazhin e tij "me..
Më shumë se 55 mijë fëmijë bullgarë do të kalojnë për herë të parë pragun e shkollës, me frikë dhe emocione. Më 16 shtator nxënësit e klasës së parë do të hyjnë në dhomat e rinovuara të shkollave, të zbukuruara me tullumbace dhe lule. Dhe aty, të..
Muzeu i Aviacionit në Burgas ia kushton muajin shtator një prej ekspozitave të tij të veçanta - helikopterit Mi-2, fluturimi i parë i të cilit ishte më 22 shtator 1961. Të apasionuarit pas aviacionit, banorët dhe turistët e qytetit tonë bregdetar..
Më shumë se 55 mijë fëmijë bullgarë do të kalojnë për herë të parë pragun e shkollës, me frikë dhe emocione. Më 16 shtator nxënësit e klasës së parë do..
Patriku bullgar dhe Mitropolit i Sofjes Daniill u dërgoi një mesazh për vitin e ri shkollor mësuesve, nxënësve dhe prindërve. Ai do të tingëllojë sot..