Fushatë më e gjerë informative për mundësitë për studime në Bullgari, lehtësim i procedurave të lidhura me qëndrimin e tyre në Bullgari dhe mësim më cilësor i gjuhës bullgare – këto janë disa nga kërkesat e studentëve me prejardhje bullgare, të parashtruara para Nënpresidentes Ilijana Jotova në Universitetin e Mjekësisë në Sofje. Shumica e pjesëmarrësve në këtë diskutim interesohen për mundësitë për qëndrim në Bullgari edhe pas përfundimit të arsimit – për specializim dhe punë. Takimi ishte pjesë e fushatës “Laboratori studentor – Perspektivat për zhvillim me diplomë bullgare”, të organizuar nga Nënpresidentja me pjesëmarrjen e studentëve të diasporës bullgare që studiojnë tek ne në përputhje me dekretet Nr. 103 dhe Nr. 228.