Të kihet parasysh mendimi i të gjitha vendeve anëtare të Bashkimit Evropian  gjatë marrjes së vendimeve për zgjerimin e Zonës së Shengenit. Kjo thuhet në deklaratën përfundimtare të samitit të 13 shteteve anëtare në Varshavë, në të cilin ishte shënuar 15 vjetori i zgjerimit të të Bashkimit në lindje. “Fjala kyçe edhe sot  është “siguria”. Pa siguri dhe qëndrueshmëri vlerat evropiane janë shumë vështirë për t'u mbrojtur “, nënvizoi në fjalimin e tij Kryeministri bullgar Bojko Borisov. Ai deklaroi se vendi  ynë e realizon me sukses detyrën për ruajtjen e kufirit evropian dhe e konsideron forcimin e kontrollit në të gjithë kufijtë e BE-së si të rëndësishëm në një nivel mbarevropian. Borisovi theksoi po kështu se asnjë shtet-anëtar nuk duhet të lihet që vetë që t'i përballojë sfidat e migracionit.