Mijëra bullgarë dhe të huaj me flamuj të Bullgarisë dhe të Vatikanit në duar u derdhën në sheshin qendror të Sofjes “Princi Aleksandër I” për liturgjinë e shenjtë të Papës Françesku. Në ngjarje ishin ftuar përfaqësues të bashkësive të ndryshme fetare në vend, ndër të cilat ajo e fesë katolike është e katërta për nga numri pas atyre të krishterimit ortodoks, islamit dhe të protestantizmit. Nëpërmjet informacioneve të mediave botërore vizita e Kreut të Kishës Katolike në Bullgari ndiqet nga mbi 100 mln veta. Nesër papa Françesku do të vizitojë një kamp refugjatësh në Sofje dhe do të mbajë një liturgji të shenjtë në qytetin Rakovski, Bullgari Jugore.