Këshilli për punë me bullgarët jashtë shtetit pranë Nënpresidentes Ilijana Jotova shqyrtoi statusin e studentëve të huaj me origjinë bullgare. Studentët treguan para Nënpresidentes problemet e tyre kryesore – vështirësitë administrative lidhur me aplikimin dhe rregullimi i statusit të qëndrimit të tyre; domosdoshmëria për një reklamë më të mirë të mundësive për arsim në Bullgari; përgatitja e pamjaftueshme në gjuhën bullgare; mungesa e lidhjes mes studentëve dhe punëdhënësve. Nënpresidentja Jotova shënoi se shteti investon në këta studentë dhe pas kësaj nuk interesohet për ta, madje nuk e di se ku janë pasi e kanë mbaruar arsimin e tyre. U theksua dhe konkurrenca e madhe mes universiteteve bullgare dhe atyre të Rumanisë, Hungarisë, Rusisë, të cilat tërheqin bullgarë nga diasporat historike.