Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Zgjedhjet Evropiane 2019: Zgjedhjet Evropiane filluan në disa vende, në Bullgari fushata po vazhdon

Sot filluan zgjedhjet për deputetë evropianë në Holandë dhe në Britaninë e Madhe, nesër ato do të vazhdojnë në Irlandë dhe në Çeki, më 25 maj janë në Letoni dhe Sllovaki, kurse në Bullgari dhe në vendet e tjera të BE-së do të jenë dietën e diel – më 26 maj.

Sondazhi më i ri i agjencisë “Trend” ripohon se erozioni në përkrahjen për GERB-in (31.5%) ka ndaluar dhe partia në pushtet është pak përpara Partisë Socialiste Bullgare (BSP) (30.4 për qind). Mirëpo, sociologët e agjencisë janë të mendimit se është më korrekte të flitet për paritet praktik, sepse përparësia është më tepër psikologjike dhe rezultatet përfundimtare do të varen kryesisht nga aktiviteti zgjedhor. Në vend të tretë do të jetë Lëvizja për të Drejtat dhe Liritë (DPS) me përkrahje prej 12.8 për qind, ndërsa VMRO – BND (Lëvizja Bullgare Kombëtare) është pothuajse në pragun e hyrjes në Parlamentin Evropian (5.88 për qind).

Më të ndryshme janë rezultatet e studimit të “Alpha Research”, sipas të cilit GERB është përpara BSP-së me afro 5 për qind (26.6 për qind). Mirëpo edhe sipas kësaj agjencie në vend të tretë është DPS (13.9 për qind), ndërsa në vend të katërt është VMRO-BND (6 për qind).

Në deklaratat e fundit në fushatën paraelektorale të BSP-së bën përshtypje ankesa se pak para zgjedhjeve partia është objekt presioni policor, administrativ dhe ekonomik.

Tani për tani nuk ka përgjigje nga ana e partisë në pushtet GERB kundrejt këtij ankimi dhe kritika e saj ndaj oponentit kryesor – BSP, është se ideja e socialistëve për pagë unike minimale evropiane është popullizëm.

Lideri i DPS-së Mustafa Karadajë u bëri thirrje përkrahësve të Lëvizjes për të deklaruar me votën e tyre më 26 maj “ndërrimin e pushtetit nacionalist” dhe kështu ta ndihmojnë Evropën në përpjekjet e saj për ndërprerjen e ksenofobisë, urrejtjes, ndarjes dhe kundërvënies.

Sot në mbrëmje VMRO-BND e mbaron zyrtarisht fushatën e vet paraelektorale me një koncert në qytetin Elin Pelin afër Sofjes.

Avokatja e Popullit Maja Manollova kërkoi nga Komisioni Qendror i Zgjedhjeve për t’u siguruar numërim manual i fletëvotimeve të votimit me makina, që të garantohet sigurimi i tij dhe të mos ketë dyshime se zgjedhjet janë manipuluar.

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Automjeti luftarak i këmbësorisë amerikane

Kontroll i BNR-së: A po transportohen tanqe përmes territorit tonë në Ukrainë?

Që nga fillimi i luftës në Ukrainë, lëvizja e pajisjeve ushtarake në territorin e Bullgarisë shpesh ka shkaktuar komente dhe deklarata në hapësirën online, lidhur me shqetësimet për përfshirjen e Bullgarisë në veprimet ushtarake. Një vit më parë, për..

botuar më 24-03-27 7.20.PD

Radan Kënev për Parlamentin e ardhshëm Evropian dhe debatin e vonuar evropian në Bullgari

Pak muaj para zgjedhjeve evropiane, të cilat do të mbahen në të gjithë BE-në midis 6 dhe 9 qershorit, dhe në kontekstin e pasigurt politik bullgar, Radan Kënev, eurodeputeti nga grupi PPE (Partia Popullore Evropiane), i zgjedhur nga lista e DB-së..

botuar më 24-03-26 7.30.PD
Kirill Petkov

Kirill Petkov: Marrëveshja është arsyeja e dështimit të negociatave

Drejtuesit e “Po e vazhdojmë ndryshimin – Bulgaria Demokratike” (PP-DB) nuk kanë dalë ende me një koment zyrtar pas vendimit të kandidates për kryeministre të GERB, Maria Gabriel për të hequr dorë nga mandati i saj për të formuar një kabinet, e cila..

botuar më 24-03-25 2.33.MD