Vrapuesja bullgare Ivet Llallova-Collio për herë të radhës i befasoi shumë këndshëm përkrahësit e vet, duke filluar shkëlqyeshëm stinën e re në pistë. Ajo fitoi vrapimin në distancën 200 metra në Seiko Golden Prix në Osaka, duke përfunduar garën për 22.55 sek. Ky rezultat rekord në turne i garantoi Llallovës pjesëmarrje si në Olimpiadën në Tokio gjatë vitit 2020, ashtu dhe në Kampionatin Botëror në kryeqytetin e Katarit Doha vitin tjetër. Lojërat Olimpike në kryeqytetin japonez do të jenë të pestat për vrapuesen tonë. Në një video-fjalim të posaçëm nga Osaka Llallova komentoi se nuk ka se çfarë tjetër t’i urojë vetes pas kuotave të fituara për Kampionatin Botëror dhe Lojërat Olimpike. Radosllava Mavrodieva gjithashtu u klasifikua për Olimpiadën në Tokio, por në disiplinën hedhje gjyleje.