Sipas prognozave të exit poll-it të agjencive sociologjike, të shpallura në momentin e përfundimit të ditës zgjedhore në Bullgari, në Parlamentin e ri Evropian do të kenë përfaqësues të vet gjithsej 5 forca politike bullgare. Sipas agjencisë “Gallup International”, e cila është partner i Radios Kombëtare Bullgare për zgjedhjet, GERB dhe Bashkimi i Forcave Demokratike (SDS) janë në vend të parë me përkrahje prej 30,5%. Pas tyre janë Partia Socialiste Bullgare (BSP) për Bullgarinë me 25,4%, Lëvizja për të Drejtat dhe Liritë (DPS) me 12,8%, VMRO-BND (Lëvizja Kombëtare Bullgare) me 8% dhe Bullgaria Demokratike me 6,5%. Exit poll-i i “Alpha Research” tregon rezultate pothuajse të njëjta: GERB dhe SDS - 32,7%, BSP për Bullgarinë - 23,2% , DPS - 13,6%, VMRO – BND - 7%, Bullgaria Demokratike - 5,9%. Në bazë të këtij raporti të forcave politike “Gallup International” parashikon se GERB dhe SDS do të kenë 6 vende në Parlamentin Evropian, BSP për Bullgarinë – 5, DPS – 3, VMRO-BND – 2, ndërsa Bullgaria Demokratike – 1.