Përfaqësuesit e partisë në pushtet GERB komentuan pas shpalljes së prognozave të para për zgjedhjet evropiane në Bullgari se ato ripohojnë besimin e madh ndaj GERB-it. Partia Socialiste Bullgare (BSP) refuzoi të komentojë rezultatet para se të përfundojë numërimi paralel. Përfaqësues të Lëvizjes për të Drejtat dhe Liritë (DPS) deklaruan se në lexim të parë rezultat e Lëvizjes janë të kënaqshme, sepse ajo rikthen pozitën e vet të forcës së tretë politike në vend dhe sepse rezultati i saj e tejkalon atë të të gjitha formacioneve nacionaliste. Angell Xhambazki, i cili është në krye të listës së VMRO-BND-së (Lëvizja Kombëtare Bullgare) theksoi se paraqitja e suksesshme ia jep VMRO-së vetëdijen e forcës politike, e cila përfaqëson nacionalizmin dhe atdhetarinë në Bullgari. Radan Kënev, i cili është në krye të listës së Bullgarisë Demokratike, theksoi se rezultatet e formacionit të tij tejkalojnë ato të pritura dhe ripohojnë se Bullgaria Demokratike është alternativa reale e statukuos së GERB-it, BSP-së dhe DPS-së.