Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Fitimet e bankave në Bullgari po vazhdojnë të rriten, edhe pas rekordit të shënuar gjatë vitit 2018

Foto: dnevnik.bg

Gjatë katër muajve të parë të këtij viti bankat në Bullgari konstatojnë fitim të pastër 232 mln euro /454 mln leva/, që do të thotë 14.5 për qind më shumë në krahasim me prillin e vitit 2018. Gazeta “Sega” komentoi se kjo rritje bën përshtypje të madhe, sidomos në sfondin e interesave shumë të ulëta bankare më shumë se një vit. Për tërë vitin 2018 fitimi i sistemit bankar arriti 850 mln euro /1.67 mlrd leva/, ose 40 për qind rritje kundrejt vitit 2017, që është një nivel rekord gjatë 10 viteve të fundit.

Kreditë dhe depozitat bankare kanë vazhduar të rriten dhe në fund të prillit kanë arritur përkatësisht 31.9 mlrd euro /62.3 mlrd leva/ dhe 46.8 mlrd euro /91.6 mlrd leva/. Kreditimi i forcuar dhe shpenzimet pothuajse zero të depozitave janë shkaqet që bankat të fitojnë nga interesat 467 mln euro /912.6 mln leva/ gjatë katër muajve të parë të vitit të tanishëm, që është me 5.5 për qind më shumë nga përpara një viti. Dy herë më shumë janë rritur të ardhurat neto nga taksat, të cilat nga janari deri në prill janë gjithsej 185 mln euro /360.8 mln leva/, ose me 10 për qind më shumë në krahasim me 2018-ën. Mirëpo, për rezultatet e mira financiare të sistemit bankar në Bullgari kanë kontribut edhe shpenzimet më të ulëta për spastrimin e kredive të këqija. Gjatë 4 muajve të vitit të kaluar shpenzimet për shvlerësimin e huave me probleme kanë qenë 67 mln euro /131 mln leva/, derisa sivjet deri më 30 prill ato kanë qenë 56 mln euro /110 mln leva/. Sipas të dhënave të Bankës Popullore Bullgare tani kreditë e këqija janë 3.4 mlrd euro /6.71 mlrd leva/, gjë që i përgjigjet 7.4 për qind prej portofolit të përbashkët të kredive të sistemit bankar.

Në lidhje me kandidaturën e Bullgarisë për të hyrë në sallën e pritjes të eurozonës, deri në fund të këtij muaji Banka Qendrore Evropiane duhet të përfundojë kontrollin e gjashtë bankave. Po kontrollohen dhe tri bankat më të mëdha: UniCredit Bulbank, Banksa DSK dhe OBB (Banka e Bashkuar Bullgare), si dhe tri me pjesëmarrje mbizotëruese bullgare: Banka e Parë e Investimeve, Banka Kooperative Qendrore dhe Investbank, shkruhet gjithashtu në gazetën “Sega”.

Përpiloi: Stoimen Pavllov

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

BNB uli normën kryesore të interesit, bankat janë fitimprurëse për gjysmën e parë të vitit

Norma kryesore e interesit ra për të dytin muaj radhazi. Që nga 1 gushti është 3,53 %krahasuar me 3,63 %në korrik, njoftoi Banka Kombëtare Bullgare (BNB).Që nga fundi i vitit 2023, norma kryesore e interesit ka ardhur në rënie të vazhdueshme, kur..

botuar më 24-08-01 12.03.MD

Rreth 1/6 e popullsisë bullgare nuk mund të përballojë as edhe një javë pushim

Afro 1 milion njerëz në Bullgari nuk mund të përballojnë as edhe një javë pushim. Të dhënat janë nga një analizë e Institutit Sindikal Evropian pranë Konfederatës Evropiane të Sindikatave dhe u prezantuan nga Konfederata e Sindikatave të Pavarura në..

botuar më 24-07-30 4.01.MD

Borxhi i ulët, synimi për futjen e euros dhe anëtarësimi në BE janë faktorët pozitivë në vlerësimin e Moody's për Bullgarinë

Moody's pret që Bullgaria të hyjë në Eurozonë jo më vonë se fillimi i vitit 2026. Sipas agjencisë së vlerësimit, rritja e ekonomisë bullgare në vitin 2024 do të jetë 2.9%. Kriza e vazhdueshme politike e brendshme dhe mundësia e zgjedhjeve të reja..

botuar më 24-07-30 11.19.PD