Deputetët nga partia VMRO, e cila merr pjesë në koalicionin drejtues, shpallën një iniciativë legjislative, e cila parashikon futjen e një dokumenti të ri personal për njerëzit të cilët jetojnë jashtë kufirit dhe janë me prejardhje bullgare. Ideja është që dokumenti të quhet “Kartë bullgare”. Për këtë kartë mund të aplikojnë të gjithë personat me prejardhje bullgare, të cilët jetojnë jashtë kufirit  dhe nuk kanë shtetësi bullgare. Dokumenti do të jetë i vlefshëm vetëm për territorin e Bullgarisë dhe mund të japë të drejta, të cilat i kanë vetëm shtetasit bullgarë, si për shembull e drejta për të votuar. Iniciativa legjislative synon të mbështesë kryesisht bashkatdhetarët të cilët jetojnë në Ukrainë, Moldavi, në Maqedoninë Veriore, Shqipëri, Serbi por dhe në shtete të tjera.