Partia nacionaliste “Ataka” tashmë nuk është pjesë e partnerit më të vogël në qeveri “Patriotët e Bashkuar”, deklaruan liderët e dy partive të tjera në koalicion VMRO dhe Fronti Kombëtar për Shpëtimin e Bullgarisë (NFSB) – Krasimir Karakaçanov dhe Valeri Simeonov. Nga grupi parlamentar i Patriotëve të Bashkuar kanë përjashtuar nga grupi dhe tre prej shtatë deputetëve nga “Ataka” – liderin e partisë Volen Siderov, zëvendësin e tij Desisllav Çukollov dhe Pavell Shopov. Katër deputetët e tjerë të partisë "Ataka" po të dëshirojnë, mund të mbeten pjesë e grupit të Patriotëve të Bashkuar. Sipas Karakaçanovit përjashtimi i partisë Ataka nuk do të thotë dështim të shumicës qeveritare. VMRO dhe Fronti Kombëtar për Shpëtimin e Bullgarisë nuk do të kërkojnë nënshkrim të ri të marrëveshjes për qeverisje të përbashkët me partinë GERB.