Kryeministri Borisov zhvilloi një bisedë telefonike me homologun e vet britanik Boris Johnson, bëri të ditur zyra e shtypit e kabinetit. Tema kryesore e bisedës telefonike ka qenë bashkëpunimi shumë i mirë në sferën e sigurisë. Në kuadrin e bisedimit, i cili u zhvillua me kërkesë të Kryeministrit britanik, u vu theks te numri i madh i operacioneve të përbashkëta në luftimin e kriminalitetit dhe trafikimit të narkotikëve. Dy kryeministrat janë bashkuar dhe rreth rëndësisë së ruajtjes së kufijve të jashtëm të Evropës. Sa i përket temës së Brexitit Kryeministri Borisov theksoi se vendi ynë do të bëjë çmos që të arrihet marrëveshje, gjë që sipas Kryeministrit bullgar do të jetë e mirë për të gjithë. Në kuadrin e bisedimit Kryeministri Borisov theksoi gjithashtu rëndësinë e Ballkanit dhe Evropës Juglindore.